MIRDITË

Banorët e Mirditës kanë dalë këtë të martë në protestë në qendër të Rrëshenit duke kundërshtuar me vendosmëri ndërtimin e HEC-ve.

Me pankarta e thirrje të ndryshme, qytetarët përcollën mesazhe të forta në mbrojtje të natyrës teksa apeluan që firmat fantazmë të largojnë duart nga pasuritë e Mirditës.

Banorët u tubuan në sheshin “Abat Doçi” dhe në pankarta e tyre lexoheshin këto mesazhe: “Jo HEC-e në Mirditë!”, “Jo shkatërrimit të lumenjve dhe natyrës!”,

Në protestën anti-HEC, morën pjesë qytetarë dhe banorë nga të gjitha fshatrat si; Kurbneshi, Selita, Fani, Oroshi dhe Kaçinari, zona këto që preken drejtpërdrejt nga HEC-et e parashikuara për t’u ndërtuar.

(n.m/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb