SHKODËR

Policia e Shkodrës ka dhënë detaje të reja në lidhje me ngjarjen e djeshme, ku disa nxënës të moshave  10-12 vjeç u paraqitën në spitalin rajonal me shenja intoksikimi.


Familjarët pretendojnë se kjo gjendje u është shkaktuar fëmijëve të tyre nga konsumimi i ushqimit në një nga “fast food-et”, që ndodhen në afërsi të shkollës. Për këtë rast janë shoqëruar pronaret e subjektit tregtar, ndërsa AKU dhe ISHSH-ja kanë nisur hetimet për zbardhjen e shkaqeve.


Njoftimi i policisë:

Ditën e djeshme, në orën 20:50 është marrë njoftim se në Spitalin Rajonal Shkodër janë paraqitur për mjekim 12 fëmijë të moshës 10-12 vjeç, me shenja intoksikimi, të cilët janë jashtë rrezikut për jetën.


Sipas familjarëve të tyre fëmijët kanë konsumuar ushqim në një fast food, përpara shkollës në qendër të fshatit Postrribë, Shkodër. Janë shoqëruar pronarët e fast food-it për deklarime, si dhe po bëhen verifikimet nga Drejtoria AKU. Vijojnë veprimet hetimore, nën drejtimin e Prokurorisë së Rrethit Gjyqësor Shkodër.

(n.m/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: