Bomba u shpërthye nga distanca sapo u konfirmua se Haniya ishte brenda dhomës së tij të hotelit – Shpërthimi vrau gjithashtu edhe një truprojë

Sipas një hetimi nga The New York Times, një pajisje shpërthyese e fshehur në një kompleks të ruajtur shumë, ku lideri i lartë i Hamasit Ismail Haniyeh dihej se banonte në Iran, ishte ajo që e vrau atë.

Në veçanti, hetimi thekson se bomba është vendosur rreth dy muaj më parë në ndërtesë, e cila menaxhohet dhe mbrohet nga Trupat e Gardës Revolucionare Islamike dhe është pjesë e një kompleksi të madh, të njohur si “Neshat”, që ndodhet në një zonë të shtrenjtë në veri të Teheranit.

Bomba u shpërthye nga distanca, thanë pesë zyrtarët, pasi u konfirmua se Ismail Haniya ishte brenda dhomës së tij të hotelit. Një tjetër truproje mbeti i vrarë nga shpërthimi.

Sipas dy zyrtarëve të Gardës Revolucionare iraniane të informuar për incidentin, shpërthimi duket se ka tronditur ndërtesën, ka thyer disa xhama dhe ka shkaktuar shembjen e pjesës së një muri të jashtëm. Ky dëmtim ishte i dukshëm edhe në një foto të ndërtesës të siguruar për The New York Times.

Ismail Haniya ka qëndruar  në ndërtesë disa herë kur vizitonte Teheranin, sipas zyrtarëve të Lindjes së Mesme. Vihet re se të gjithë zyrtarët kanë folur në kushte anonimati  për të ndarë informacione delikate për vrasjen.

Ndërkohë, mes kërcënimeve për hakmarrje dhe mallkime ndaj sionistëve nga bota arabe, në Teheran u varros Ismail Haniya, trupi i të cilit do të transferohet (1/8) në Doha për varrim. Udhëheqësi suprem i Iranit Ali Khamenei ka urdhëruar tashmë një sulm ndaj Izraelit me dronë dhe raketa, sipas Netanyahut, që pranoi se ditët në vijim janë të vështira.

Edhe pse me këto fakte, e ardhmja e negociatave për një armëpushim në Gaza konsiderohet jashtëzakonisht e pasigurt, Uashingtoni kërkon vetëpërmbajtje nga të gjitha palët.

(Balkanweb)