Juliana Nura, në një intervistë të fundit për “Onima”, ka rrëfyer një histori të pazakontë që ka ndodhur gjatë qëndrimit të saj në shtëpinë e Big Brother VIP Kosova.

Ajo ka treguar se si gjatë një episodi, Stresi e kishte goditur me shuplakë në të pasme, gjë që rezultoi në një situatë të tensionuar.

“Më kanë thirrur dhe më kanë thënë ‘Xhuli, këtu është policia dhe nëse dëshiron ta denoncosh atë rast, mund ta denoncosh dhe ai përjashtohet prej lojës’”, shpjegoi ish-konkurrentja gjatë intervistës.

Megjithatë, Juliana vendosi të mos e denonconte Stresin, duke theksuar se nuk donte ta nxirrte nga gara bashkëkonkurrentin e saj të fortë. Për ironinë të fatit, Stresi u shpall fituesi i atij edicioni, duke e bërë situatën edhe më të veçantë.