Holanda po siguron pajisje teknike dhe materiale për F-16 të Ukrainës, si dhe raketa ajër-ajër për të mbrojtur hapësirën ajrore të Ukrainës, deklaroi ministri i Mbrojtjes Ruben Brekelmans në një takim në formatin Ramstein të premten.
“Aeroplanët F-16 kanë nevojë për materiale ndihmëse dhe pjesë këmbimi për mirëmbajtje, përndryshe nuk do të mund të fluturojnë. Holanda do të japë 80 milionë euro materiale”, tha ministri i Mbrojtjes .
Paketa do të përfshijë një numër të konsiderueshëm pjesësh këmbimi, gjeneratorë, automjete, materiale bazë të mirëmbajtjes, mjete të specializuara etj.
Ministri theksoi se ndihma do të përfshijë gjithashtu raketa ajër-ajër për të mundësuar Forcën Ajrore të Ukrainës të rrëzojë aeroplanët e armikut.
Për arsye sigurie, ministri nuk bëri të ditur detajet e paketës dhe kohën e dorëzimit të saj, por vuri në dukje se synimi është që materialet të dorëzohen në Ukrainë sa më shpejt të jetë e mundur.
Një ditë më parë, Holanda tha se do të rrisë shpenzimet e mbrojtjes me më shumë se 10% vitin e ardhshëm dhe do të blejë tanke të reja, një fregatë dhe sisteme të mbrojtjes ajrore në mes të agresionit rus.
(A.A/BalkanWeb)
