U luajtën mbrëmjen e sotme, disa prej ndeshjeve të Ligës së Kombeve, ku vëmendja ishte tek krye ndeshja mes Holandës dhe Francës. “Tulipanët” fituan me shifrat 2-0, me gol të Uajnaldum në minutën e 44-të, pas një gafe në mbrojtjen franceze, dhe falë një penalltie në sekondat e fundit të takimit, shndërruar në gol nga Depai.
Kampionët e Botës u dukën të pafuqishëm, dhe u dominuan në të gjithë ndeshjen nga ekipi i Kuman, dhe vetëm portieri Loris ruajti portën, për të mos pësuar më shumë.
Me këtë fitore, Holanda ndjek e dyta Francën, me 6 pikë, ndërsa Franca mbetet e para me 7 pikë. Gjermania vetëm me 1 pikë, pas këtij rezultati, bie automatikisht në Ligën B.
Në Ligën B, Danimarka mundi Uellsin, kundërshtarin e Shqipërisë në miqësore ditën e martë, me shifrat 1-2. Jorgensen dhe Breithuait shënuan për danezët, ndërsa vetëm realizimi i Garet Bejl në minutën e 90-të nuk mjaftoi.
Enis Bardhi ishte protagonist në fitoren 0-2 të Maqedonisë, me një gol fantastik nga goditja e dënimit. Më poshtë, rezultatet e plota.
Liga A
Holandë-Francë 2-0
(Uajnaldum 44′, Depai pen. 95′)
Liga B
Sllovaki-Ukrainë 4-1
(Rusnak 6′, Kuçka 26′, Zrelak 52, Mak 61′ / Konoplianka 47′)
Uells-Danimarkë 1-2
(Bejl 90′ / Jorgensen 42′, Breithuait 88′)
Liga C
Qipro-Bullgari 1-1
(Zakariu 24′ / Dimitrov pen. 89′)
Slloveni-Norvegji 1-1
(Verbiç 9’/ Johnse 85′)
Liga D
Gjibraltar-Armeni 2-6
(De Barr 10′, Pristli 78′ / Movsisjan 28′, 48′, 52′, 54′, Lartasjoam 66′, Karapetian 94′)
Lihteshtejn-Maqedoni 0-2
(Bardhi 53′, Nestorovski 91′)