Temperatura e Hong Kongut sot është regjistruar në nivelin më të lartë gjatë muajit mars në 140 vjet, transmeton Anadolu.

Sipas vëzhguesit të motit të qytetit, zhiva arriti në 31.5 gradë Celsius, respektivisht në temperaturën më të lartë të regjistruar gjatë muajit mars që nga fillimi i regjistrimeve në vitin 1884.

Temperatura u rrit në mbi 32 gradë Celsius në zonat veriore të territorit afër qytetit Shenzhen të kontinentit kinez.

Vëzhguesi i motit tha se koha do të jetë ende e nxehtë gjatë ditës së nesërme “nën ndikimin e vazhdueshëm të një rryme ajri në jug dhe me shumë diell”.

Temperatura maksimale do të jetë rreth 31 gradë Celsius në zonat urbane dhe “shumë” e nxehtë me disa gradë më e lartë në disa pjesë të Territoreve të Reja.

“Moti i nxehtë mund të shkaktojë efekte të dëmshme shëndetësore. Publiku duhet të qëndrojë në gatishmëri dhe të pijë më shumë ujë”, theksuan autoritetet.

Hong Kongu përjetoi verën e tij më të nxehtë në rekord në vitin 2023 me temperaturat që goditën një temperaturë mesatare prej 29,7 gradë Celsius midis qershorit dhe gushtit. Të 12 muajt e vitit 2023 ishin më të ngrohtë se zakonisht./AA/