Është shuar mbrëmjen e së martës në moshën 61-vjeçare, pas një vit e gjysmë luftë me kancerin, gazetari inovativ, krijues dhe botues i gazetës Proto Thema, Themis Anastasiadis.
Lajmi për vdekjen e tij u botua nga gazeta e tij Proto Thema.
“Proto Thema vajton humbjen e Themis Anastasiadis. Ai mori frymë për herë të fundit sonte pas një vit e gjysmë luftë kundër kancerit”, shkruante gazeta. Bota gazetareske përshëndet Themos Anastasiadis dhe shpreh pikëllimin për humbjen e Themos Anastasiadis, shkruan më tej në njoftimin e saj gazeta “Protothema”.
Anastasiadis kishte punuar për gazeta të ndryshme, kryesisht Kathimerini, To Vima dhe Eleftherotypia. Në vitin 2005, së bashku me gazetarin televiziv Makis Tryantafylopoulost ai krijoi një gazetë të re të së dielës të quajtur Proto Thema. Ai ishte gjithashtu redaktor i sportit i gazetës Protathlitis (Kampion); një gazetë që mbështeste Olympiacos, një ekip për të cilin ishte tifoz.
Përveç punës së tij në shtypin e shkruar, Anastasiadis kishte punuar edhe në televizion. Nga viti 2001 deri në shkurt 2006 ai ishte moderator i “Ola”, një shfaqje e përjavshme humoristike në Alpha TV. Në këtë shfaqje ai do të ftonte personalitete të ndryshme nga showbizi grek dhe do të nxirrte në pah shumë momente qesharake nga televizioni grek.
Në mars të vitit 2006, Anastasiadis u bë drejtuesi i emisionit “OlaXXL” në televizionin ANT1. Që nga viti 2008, shfaqja vazhdon me një emër të ndryshëm çdo vit, por përmban fjalën “Ola”.
(m.k/BalkanWeb)
