Policia e Tiranës ndalon mjekun imazherist Pëllumb Hysko i dyshuar për veprat penale “ngacmim seksual” dhe “shpërdorim detyre”. Veprimet nga Policia u ndërmorrën pas pamjeve të transmetuara në një emision investigativ.

“Pas transmetimit të pamjeve filmike, specialistët e Sektorit për Hetimin e Krimit Ekonomik dhe Financiar në DVP Tiranë ndaluan shtetasin P. H., 58 vjeç, i dyshuar për veprat penale “Shpërdorimi i detyrës” dhe “Ngacmimi seksual” parashikuar nga neni 248 dhe 108/a të Kodit Penal.

Gjithashtu proceduan në gjendje të lirë shtetasin A. Z., 51 vjeç, për veprën penale “Shpërdorimi i detyrës” parashikuar nga neni 248 i Kodit Penal”, thuhet në njoftimin e Policisë.