KAKAVIJË
Janë zbuluar detaje të reja nga arrestimi i një shtetasi të huaj dje në Kakavijë mbi të cilin ka dyshime se është vrasës me pagesë.
Mësohet se emri i tij është Maryan Yatsula 28 vjeç, i cili ka lindur në Ukrainë. Mëngjesin e datës 3 mars ai është paraqitur me dokumente udhëtimi me pasaportë greke me emrin Dimitrios Kantzelis dhe gjatë verifikimit në Interpol kjo pasaportë rezulton e vjedhur dhe i përket një shtetasi tjetër grek.
Gazetarja e ‘BalkanWeb’, Dorjana Bezat raporton se gjatë verifikimeve të pasaportës 28-vjeçari ka kundërshtuar punonjësit e policisë kufitare në vijën e dytë, duke tentuar të largohet por është arrestuar prej tyre në flagrancë. Pas futjes se shenjave të gishtave në sistem u zbulua dhe identiteti i vërtetë i tij.
(n.m/BalkanWeb)
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
