TIRANË- Një i moshuar tenton të djegë veten me benzinë në mes të Tiranës. Ngjarja ka ndodhur sot rreth orës 9:30 në Bulevardin Dëshmorët e Kombit, para Piramidës.
I moshuari Qazim Gapi ka hequr rrobat dhe ka hedhur benzinë në trup. Dëshmitarë thonë se, ai nuk ka lejuar askënd të afrohet. E menjëhershme ka qenë ndërhyrja e policisë, që ka shpëtuar të moshuarin.
Ai është shoqëruar në komisariat ku edhe po pyetet nga oficerët e policisë, ndërsa do të jetë i pranishëm edhe një psikolog.
Në videon e publikuar nga “Jeta osh qef” shfaqen momentet e fundit para aktit tragjik, ku forcat e policisë vrapojnë për të ndaluar të moshuarin të digjet.
(d.b/BalkanWeb)