Përfaqësuesit e Kanye West pretendojnë se një burrë ka sulmuar fizikisht dhe seksualisht gruan e tij, Bianca Sensori, në një incident që ka ndodhur në Los Angeles.
Burimet i thanë më parë TMZ se West është duke u hetuar me dyshimin se reperi grushtoi një burrë që thuhet se kishte “kapur” Sensori.
Ekipi i reperit më pas lëshoi një deklaratë, duke thënë: “Sensori u sulmua fizikisht. Burri nuk u përplas vetëm me të. I vuri duart poshtë fustanit, direkt në trup, e kapi nga beli, e ktheu dhe më pas e puthi. Ai e abuzoi dhe e sulmoi seksualisht”.
Kishte gjithashtu një incident në vitin 2022 kur West u hetua nga Departamenti i Policisë së Los Anxhelosit për rrahjen e një personi që ai pretendonte se po e tallte.
Kanye West suspected of attacking man who allegedly sexually assaulted his wife https://t.co/rBTfqNZTXf
— The Guardian (@guardian) April 18, 2024
West, i cili ka ndryshuar emrin e tij në Ye, thuhet se u martua me Sensori, një arkitekte në kompaninë e tij, Yeezy, në dhjetor 2022, më pak se një muaj pasi u finalizua divorci i tij nga Kim Kardashian. Pak ditë më parë, një punonjës i West-it e akuzoi se kishte ngacmuar studentët e tij në “Donda Academy”, që ai ka themeluar. Trevor Phillips e akuzoi muzikantin e famshëm për racizëm, homofobi, antisemitizëm, si dhe për ngacmim të studentëve dhe punonjësve në Akademi.
