Franca rregjistroi temperatura rekord të premten, dhe numri i të vdekurve u rrit pas një valë të nxehtë që mbërtheu pjesën më të madhe të Evropës. Dymbëdhjetë qytete në Francën jugore panë rritje të reja të të gjitha kohërave të premten me temperaturë mbi 45 gradë.
Katër departamente administrative në Francë u vendosën në alarm të kuq, duke sinjalizuar temperaturat e “intensitetit të rrezikshëm” që janë më tipike për Arabinë Saudite.
Temperaturat jashtëzakonisht të larta parashikohet të zgjasin deri në fillim të javës së ardhshme.
Në Spanjë, temperatura arriti mbi 43 gradë. Në rajonin qendror, një zjarr shpërtheu në periferi të Toledos, duke detyruar evakuimin e dy ndërtesave publike, tha një zyrtar rajonal për Reuters.
Në veri në Valladolid, një burrë 93 vjeç u rrëzua dhe vdiq për shkak të nxehtësisë, tha policia. Dhe në një qytet të vogël jashtë Cordobas, një 17-vjeçar vdiq nga efektet e lidhura me nxehtësinë pasi u hodh në një pishinë për t’u ftohur.
BalkanWeb
