Pas protestës së djeshme të opozitës, tension pati edhe te Trauma, aty ku ministri i Brendshëm, Sandër Lleshaj shkoi të takonte policët e dëmtuar. Në korridoret e spitalit ministri i u përplas me ish-deputetin e PD-së, Bardh Spahinë, i cili e akuzoi atë se po sillet me shqiptarët më keq se sa serbët.
Sipas Spahisë, është e papranueshme që policët dalin në protestë të pambrojtur. Ky i fundit hodhi akuza ndaj ministrit, ndërsa Lleshaj nuk nguroi t’i kthehej duke e quajtur të pafytyrë.
“BalkanWeb” sjell të plotë debatin mes tyre.
DEBATI NË KORRIDORIN E SPITALIT
Spahia: Vjen në spital me një tabor…
Lleshaj: Me çfarë statusi jeni ju këtu?
Spahia: Jemi me statusin e përfaqësuesve të opozitës, të vërtetës jo të atyre që keni bërë ju…
Lleshaj: Se kuptoj se çfarë statusi keni ju
Spahia: Kur u bane ti ministër, imagjino çfarë statusi duhet…me mua flet ti ashtu? Të shkon mendja? Mbaj përgjegjësi aty për dëmtimet e policëve dhe qytetarëve
Lleshaj ikën drejt dhomave
Vazhdon Bardhi: Të përcjellin avokatët e tu… e keni të afërt fundin. Çfarë është kjo, edhe serbët nuk sillen kështu, shikoni çfarë i keni bërë qytetarëve, shko vizitoji, shko vizitoji…
Lleshaj kthehet sërish: Kush iu ka bërë qytetarëve?! Unë iu jap dorën edhe qytetarëve edhe policëve mor i pafytyrë!
DEBATI NE DEREN E NJE PREJ DHOMAVE KU JANE SHTRUAR POLICET
Lleshaj shkon të vizitojë policët, Bardhin nuk e lejojnë të hyjë në dhomë…
Spahia: Për fajin tuaj policët bëhen ashtu. S’të vjen turp i nxjerr pa mbrojte dhe tani bën sikur prekesh
Lleshaj: Hajde ndihmoji…
Spahia: S’të vjen turp, duhet të dalin të mbrojtur këto para turmave, vjen tani e bën shoë këtu. Shko shifi plagët e njerëzve e ke mbushur spitalin em policië
DEBATI PASI DEL LLESHAJ NGA SPITALI
Spahia: Ministri ka mbushur spitalin me civila dhe largon me forcë mjekët, ish-deputetë të opozitës. Ky është pushteti sot, ditët i kanë të numëruara
Lleshaj flet për mediat ndërkohë që bardhi akuzon pas shpinës së tij.
(m.a/BalkanWeb)
