KOSOVE

Ish-reperi i njohur, Fero, ka befasuar fansat e tij me një njoftim që ka bërë së fundmi në adresën e tij në rrjetin social Instagram.

Ai ka deklaruar se do të marrë një pushim të gjatë nga aktivitetet në rrjetet sociale për një periudhë prej gjashtë muajsh. Sipas tij, ky vendim vjen në kuadër të nevojës për një ndryshim të madh në jetën e tij dhe për të risjellë projektet e tij të ardhshme.

Fero ka theksuar se rikthimi i tij pas kësaj periudhe do të jetë i paparashikueshëm dhe i papritur.

“Ka ardhur koha për një ndryshim edhe më të madh. Gjashtë muaj nuk do të jem aktiv në rrjetet sociale, deri në fillim të marsit dhe rikthimi pas 6 muajsh do të jetë i paparashikueshëm dhe i paparamendueshëm,” ka shkruar Fero në InstaStory.

Kujtojmë se Fero pas daljes nga burgu, ku u arrestua për dhunën e ushtruar ndaj ish-bashkëshortes, modeles Arbenita Ismajli dhe kërcënimin e saj me jetë, deklaroi se kishte hequr dorë përfundimisht nga muzika.

Gjithashtu ai u shpreh se tani po i përkushtohet fesë islame dhe se asnjë nuk duhet t’i dëgjojë këngët e tij.

“Përshëndetje miq , deshta t’ju njoftoj se kohëve të fundit kam pasur disa sfida në jetën time , të cilat me ndihmën e Allahut i kam kalu. Unë kam vendosur që përfundimisht të largohem prej muzikës, arsyeja kryesore është se kohëve të fundit kam studiuar rreth Fejës Islame dhe më është bërë e qartë se muzika është e ndaluar në islam. Për këtë arsye kam vendosur që ta lë muzikën dhe t’i përkushtona fejës islame dhe familjes time.

Unë dua t’ju njoftoj se falem 5 herë në ditë, dhe pendohem te Allahu Krijuesi i gjithësisë për çdo këngë që e kam kënduar.”– ka dhënë Fero asokohe.