DURRËS

Policia e Durrësit informon se ka arrestuar një 28-vjeçar, pasi lëvizte me armë nëpër qytet.

I arrestuar ka përfunduar shtetasi D.M 28 vjeç, pasi u kap duke lëvizur me armë të tipit “Ekol 99”. Arrestimi i tij u krye nga shërbimet policore të komisariatit numër 6 të qytetit bregdetar.

Njoftimi i policisë:

Durrës

Evidentohet dhe goditet një rast i armbajtjes pa leje.

Arrestohet në flagrancë një shtetas që qarkullonte më armë zjarri.

Në vijim të punës për parandalimin dhe goditjen e paligjshmërisë si dhe në zbatim të planit të masave për kapjen e personave që qarkullojnë me armë zjarri, nga Shërbimet e Policisë së Rendit në Komisariatin e Policisë Durrës, është arrestuar në flagrancë shtetasi:

-D.M., 28 vjeç, banues në Sukth, Durrës.

Durresi1
Durresi1

Ky shtetas është kapur nga Shërbimet në lagjen Nr. 6, Durrës ,duke lëvizur me armë zjarri tip “Ekol 99”, e cila u sekuestrua në cilësinë e provës materiale.

Materialet hetimore i kaluan Prokurorisë pranë Gjykatës së Shkallës së parë Durrës në ngarkim të shtetasit të mësipërm për veprën penale “Prodhimi dhe mbajtja pa leje e armëve luftarake dhe municionit”.

(d.xh/Balkanweb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb