Banori i Big Brother Vip Albania 4, Laert Vasili, ka zbuluar sot gjatë një bisede arsyen se përse zgjodhi të bëhej pjesë e formatit televiziv.

Aktori tha se arsyeja që ai hyri në BBVA ka të bëjë me një premtim që i ka bërë nënës së tij, për të shpëtuar shtëpinë.

Ai tha se shtëpinë e tyre po e merr banka, për shkak të disa borxheve dhe problemeve financiare dhe se ai do të bëjë të pamundurën që të shpëtojë shtëpinë nga banka.

Laerti: Mua nuk më ka dhënë njeri të kem kultin e drejtësisë. Këtu në shtëpinë e vëllait të madh nuk mund të kesh të dashur, pasi të kesh të dashur duhet të kesh marrëdhënie fizike. Nëse këtu ke marrëdhënie fizike fluturon jashtë, unë nuk kam ardhur këtu për të fluturuar jashtë. Këtu kam ardhur për të përmbushur premtimin që i kam bërë mamasë sime, të bëjë të pamundurën të shpëtoj shtëpinë që po na e merr banka. Ky është qëllimi im madhor.