Kandidatja e PD në Qarkun e Vlorës, Ina Zhupa ka zhvilluar një takim me profesionistët e lirë të cilëve iu ka premtuar zerimin e taksave dhe një sistem fiskal të qëndrueshëm, nëse demokratët do të fitojë
Ajo i garantoi ata se me votën për Partinë Demokratike do të ndihmojnë në krijimin e një klimë më miqësore për biznesin dhe jetesën e tyre.
“Zero taksim mbi profesionet e lira. Sistem fiskal që nuk ndryshon çdo 6 muaj por është i njëjti dhe transparent për 4 vitet e ardhshme”, ka theksuar Zhupa.
Deputetja demokrate ka folur edhe ligjet e paketës së Reformës në Drejtësi duke theksuar se do të ketë rishikim sipas rekomandimeve të Komisionit të Venecias.
“Me avokatët, si profesionist të lirë të lidhur ne drejtësinë u ndalëm gjërësisht te reforma në drejtësi. Ngritën shqetësimin se siguri juridike këtu nuk ekziston më. Ju premtova se me mazhorancën e re të PD do të arrihet: Rishikimi sipas rekomandimeve të Venecias i ligjeve të paketës së reformës në drejtësi”, thekson ligjvënësja demokrate duke sjellë në vëmendje gjithashtu se do të rikthehet harta gjyqësore siç ishte.
Postimi i deputetes së PD
Me profesionistët e lirë!
Bashkë me ta, Partia Demokratike fitoi betejën për shfuqizimin e tatimit antikushtetues për shërbimet profesionale në Gjykatën Kushtetuese.
Ne sot i garantojmë me votën e tyre për PD:
Nivelin të ulët të taksave në Europë.
Të sigurojmë klimën më miqësore dhe kjo jo me fjalë, por me vepra, ligje, vendime konkrete.
Zero taksim mbi profesionet e lira.
Sistem fiskal që nuk ndryshon çdo 6 muaj por është i njëjti dhe transparent për 4 vitet e ardhshme.
Me avokatët, si profesionist të lirë të lidhur ne drejtësinë u ndalëm gjërësisht te reforma në drejtësi. Ngritën shqetësimin se siguri juridike këtu nuk ekziston më.
Ju premtova se me mazhorancën e re të PD do të arrihet:
Rishikimi sipas rekomandimeve të Venecias i ligjeve të paketës së reformës në drejtësi.
Një drejtësi që u rikthen shqiptarëve të drejtën e procesit ligjor të drejtë; të drejtën e prezumimit të pafajësisë; dhe standarteve demokratike të ruajtjes së lirive dhe të drejtave kushtetuese.
Rikthimi i hartës gjyqësore sic ishte në shërbim të qytetarëve dhe të një drejtësie eficente që ul stokun e dosjeve dhe jo shton ato vit pas viti.
Voto 1️⃣
Voto për veten
Voto për Shqipërinë Madhështore
