TIRANE- PD kërkon interpelancë me ministrin e Infrastrukturës dhe Energjisë, Damian Gjiknuri. Gazetarja Elda Menga ka siguruar për ‘BalkanWeb’ kërkesën e plotë. Në këtë dokument i kërkohet Gjinkurit që të japë informacione për inceneratorët në Elbasan, Fier edhe në Tiranë.
“Rreth këtij skandali të përmasave të paimagjinueshme nuk ka pasur asnjë reagim në përputhje me detyrimet që i burojnë nga ligji nga ana e Ministrisë së Infrastrukturës dhe Energjisë. Gjithashtu na duhet të vëmë në dukje se ministria nuk i është përgjigjur shkresave të drejtuara nga deputetët e opozitës duke e thelluar edhe më skandalin. Deputetët e opozitës parlamentare janë thellësisht të shqetësuar për këtë fakt dhe për heshtjen e pashpjegueshme dhe të paargumentuar të autoriteteve përgjegjëse. Në vlerësimin tonë, është detyrë e Kryeministrit dhe Ministrit të Infrastrukturës dhe Energjisë, si dhe Ministrit të Turizmit dhe Mjedisit së një vendi kandidat për në Bashkimin Europian, që të analizojë me përgjegjshmëri këto fakte tronditëse, si dhe të mbajë qëndrim publik dhe mbi të gjitha të bëjë transparente për kuvendin dhe publikun kushtet në të cilat janë zhvilluar procedurat dhe si janë lidhur e termat e kontrateve”, thuhet në kërkesën e PD-së.
KEREKSE PER INTERPELANCE ME GJIKNURIN
(ed.me/BalkanWeb)
