Popullsia e tokës deri në vitin 2050 pritet të shkojë në 9.7 miliard njerëz, sipas nje raporti të fundit të OKB-së. Popullsia globale do të shtojë 2 miliardë në tre dekadat e ardhshme që nënvizon se popullsia e Indisë do të kalojë Kinën deri në vitin 2027, edhe pse për nga territori është sa një e treta e madhësisë së SHBA, atje do të ketë një popullsi 10 herë më të madhe. Nëntë vende parashikohen të jenë përgjegjëse për më shumë se gjysmën e rritjes së popullsisë globale.


Vendi i parë do të jetë India, e cila parashikohet të shtojë 273 milionë në popullatën e saj tashmë masive prej 1.37 miliardësh dhe të mbizotërojë ndaj Kinës, popullsia e të cilës pritet të tkurret me 31.4 milion midis 2019 dhe 2050. Popullsia e Kinës do të vazhdojë të zvogëlohet dhe do të arrijë në 1.1 miliardë deri në 2100, ndërsa India pritet të ketë 1.4 miliardë banorë në atë kohë. Nigeria nuk do të mbetet pas dhe pritet të shtojë 200 milionë njerëz deri në vitin 2050. Pakistani, Etiopia, Tanzania, Indonezia, Republika Demokratike e Kongos, Egjipti dhe SHBA janë shtatë shtetet e tjera që do të nxisin rritjen e popullsisë botërore në 30 vitet e ardhshme, sipas raportit të OKB. Por kërcimi më i madh në madhësinë e popullsisë do të ndodhë në Afrikën Sub-Sahariane, ku do të rritet dy herë deri në vitin 2050, një zhvillim që mund të rrisë më tej sistemet e brishta sociale të vendeve. Shumë prej popullatave me rritje më të shpejtë janë në vendet më të varfëra, ku rritja e popullsisë sjell sfida të tjera ekonomike dhe sociale, njoftoi OKB.


Numri më i ulët i lindjeve do të godasë më së shumti 55 vende që janë vendosur të shohin rënien e popullsisë së tyre me të paktën një për qind. Paketa udhëhiqet nga Kina dhe pasohet nga vende të tjera, të vendosura në Evropën Lindore ose në Karaibe. Lituania dhe Bullgaria do të pësojnë rënien më të madhe, duke parë shënuar zvogëlim të popullsisë me 23 përqind deri në vitin 2050. Letonia, me një rënie prej rreth 22 përqind, ndiqet nga Ishujt Wallis dhe Futuna (20 përqind) dhe Ukraina (20 përqind).


Raporti gjithashtu fokusohet në migracionin e jashtëm si një komponent kyç i ndryshimit të popullsisë në vende si Bangladeshi, Nepali dhe Filipinet – nga ku kërkohen punonjës.
Përveç kësaj, ndonjëherë shpërngulja mund të shkaktohet edhe nga dhuna, mungesa e sigurisë ose luftërat – si në Mianmar, Siri dhe Venezuelë. Në kontrast, raporti thotë se midis 2010 dhe 2020 rreth 10 vende – përfshirë Bjellorusinë, Estoninë, Gjermaninë, Hungarinë, Italinë, Japoninë, Rusinë, Serbinë dhe Ukrainën – do të përjetojnë një hyrje neto të emigrantëve, të cilët do të ndihmojnë në kompensimin e popullsisë së tyre për shkak të vdekjeve që tejkalojnë lindjet.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: