Ndeshjet janë shumë të ngjeshura dhe nuk ka kohë për pushim. Partizani zbret në fushë sot, këtë herë për të rikuperuar energjitë e humbura në sfidën me Laçin, që sfidë e fituar, por shumë impenjative.

Qëllimi i radhës është sfida e Rrogozhinas kundër Egnatias të enjten, e vlefshme për gjysmëfinalet e Kupës së Shqipërisë. Të kuqtë, Kupën e kanë vendosur në objektiv këtë sezon, aq më shumë prej faktit se është një trofe i munguar prej 21 vitesh.

Lajmi i mirë është se trajneri Gega do t’i ketë të gjithë lojtarët në dispozicion. Infermieria është bosh dhe të gjithë janë gati për të luajtur, çka e ndihmon trajnerin Gega të ketë liri zgjedhjeje për formacionin.

Të vetmet shqetësime janë ato të Bintsukës dhe Eleke, që kanë disa shqetësime të vogla muskulore dhe mjekët do të bëjnë maksimumin që t’i eliminojnë deri të enjten. Mungesa e ndonjërit prej tyre do të ishte problem mjaft i madh për të kuqtë, bazuar edhe në atë që treguan në ndeshjen e fundit të fituar kundër Laçit.