TIRANE

Sekretari i Përgjithshëm i PD, Gazmend Bardhi ka thënë se PD është parti e hapur për këdo, ndërsa në listën e anëtarëve të kryesisë të cilët janë zgjedhur me votë nga anëtarët e Këshillit Kombëtar ka individë të votuar që kanë qenë kritikë ndaj Bashës.

Duke iu përgjigjur kritikëve, Bardhi u shpreh ne emisionin ‘A Show’ në News24 se nuk është e vërtetë që PD është parti e Bashës dhe se kryedemokrati gëzon mbështetjen e të gjitha strukturave të PD.

INTERVISTA E PLOTE:

Adi Krasta: Mirëseerdhët në pjesën e intervistës. Ka zhvillime shumë interesante në PD. Gazment Bardhi vjen në studio, dhe kam një përshtypje se ti ke një dëshirë të brendshme për të ikur tani.

Gazment Bardhi: Jo. Kjo nuk është e vërtetë. Unë kam ardhur me kënaqësi dhe do shkëmbejmë disa mendime dhe disa informacione që kanë interes për ju dhe për publikun, në mënyrë të hapur dhe pa asnjë problem.

Krasta: Ti, tek të gjithë ata që të kanë përshkruar, në harkun e këtyre 24 orëve që kam kërkuar une informacion për ty, thonë që ai është një natyre që vjen nga një e kaluar apolitike, eksperti, dhe që është një djalë i mirë dhe që punon fort. Ka një gjë aty që nuk të bind. Që duke qenë një prurje e re, ka rrezikun e madh, që dashurpadashur, të bësh plastelinën. Ka shans të ndodhë kështu?

Bardhi: Nuk mendoj. Sigurisht që unë kam bërë detyrën time deri tani në profilin e ekspertit. Sigurisht që kam qenë prej 5 vitesh këshilltar ligjor i Grupit Parlamentar të Partisë Demokratike. Ky është një funksion politik. Pavarësisht se kam mbajtur qendrime për të qenë personalisht i fshehur, pra jo në dukje, në public.

Krasta: Dalja në publik i jep një lloj shqetësimi, një natyre të tërhequr, për të cilin s’dihet pothuaj asgjë aktualisht, në takimin publik…

Bardhi: Jo, nuk më krijon asnjë bezdisje. Sigurisht që kjo nuk është dalja imë e parë televizive. Unë kam dalë edhe më parë. Kam qenë pjesë e aksioneve të rëndësishme të Partisë Demokratike,…

Krasta: E kuptova. Flasim për një nga këto ballafaqime publike shumë të forta. Si jurist, kjo historia me lënien, ndërprerjen, nga ana e Prokurorisë së Krimeve të Rënda, dhe rezultati sipas tyre, se Babalja ishte një jongjarje, bashkë me tërheqjen paradokohësh nga ana e Alibeajt, në raport me – ndoshta – dhënie informacion për ngjarjen, kjo praktikisht nuk të vendos ty në një pozicion të paqartë dhe të paqendrueshëm, dhe jo domosdoshmërisht të pranueshëm?

Bardhi: Që në ditën e parë, kur ne kemi bërë atë denoncim, kemi qenë të qartë mbi rolin që do të mbante institucioni i prokurorisë. Kemi disa vite që me fakte dhe prova, paraqesim për opinionin public një qendrim të qartë: Prokuroria është sot tërësisht e kontrolluar nga qeveria.

Krasta: Le ta marrim këtë si të mirëqenë. Por në fakt, ngjarja me regjistrimin e Babales, ishte një set-up nga ana e Salianjit psh?

Bardhi: Jo, kjo është e pavërtetë. Ne e kemi dokumentuar dhe provuar për opinonin publik se ajo është një ngjarje tërësisht e vërtetë. Është tashmë e provuar edhe nga hetimet që ka bërë prokuroria, që i vëllai i ish-ministrit të brendshëm, zotit Xhafaj, ishte i përfshirë në aktivitet kriminal të trafikut të drogës. Sigurisht që ne nuk prisnim ndonjë rezultat ndryshe nga prokuroria, që t’i jepte të drejtë opozitës në këtë denoncim, por kjo është një çështje që vazhdon të jetë ende nën hetim, pra nuk ka përfunduar ende hetimi lidhur me kallzimin e rremë, ndëkohë që ka patur një pezullim të hetimeve për Agron Xhafajn, vëllain e ish-ministrit të brendshëm për trafik droge. Prokuroria ka pezulluar hetimet dhe ia ka kaluar përsëri për hetime Policisë së Shtetit. Pra, e njëjta formë si konkluzioni për kallzimin e rremë, që u nxor po nga policia e kontrolluar nga Fatmir Xhafa, edhe në këtë rast, policisë së shtetit, e cila është tërësisht nën kontrollin e qeverisë, i thuhet provo akuzat për një familjar të afërt të një eksponenti të rëndësishëm të Partisë Socialiste.

Krasta: Partia Demokratike kishte informacion më përpara për vëllain e Xhafajt. Ajo e bëri të deklaruar për publikun relativisht vonë dhe ka një frikë se në këtë nxitim për ta deklaruar vonë, pra në momentin e përshtatshëm të luftës politike të saj kundër mazhorancës, ekziston një frikë që në këtë nxitim aty ka një set-up, aty ka një lloj kurthi në raport me regjistrimin që iu bë Babales dhe që vërtet zëri mund të mos jetë i tij, dhe Babalja mund të mos jetë pjesë e asaj ngjarjeje, ose zëri mund të jetë i aktorit, siç u tha…e të tjera si këto.

Bardhi: Ne kemi një pohim me gojën e tij, të personit që pretendon se është actor, që ai ka qenë personi i cili është kontaktuar…

Krasta: Pra i përmbaheni akoma sot?

Bardhi: Absolutisht po. Dhe është e dokumentuar e gjitha që ajo është një ngjarje e vërtetë. Sigurisht që informacionet për përfshirjen e vëllait të ish-ministrit të brendshëm, zotit Xhafaj, në trafik droge, Partia Demokratike i ka patur shumë më herët nga momenti kur bëri denoncimin public, por nën përgjegjshmërinë që duhet të ketë një parti politike për të mbledhur fakte dhe prova, dhe në momentin që ia prezanton atë publikut, të jetë e qartë dhe e besueshme, ne ndoqëm një strategji për të verifikuar të gjitha informacionet që na kishin ardhur deri në atë moment. Dhe ishte ai momenti i përshtatshëm kur ne bëmë denoncimin.  Është një çështje që për Partinë Demokratike është e mbyllur. Sigurisht që nuk presim asnjë zhvillim ndryshe nga hetimet e prokurorisë, se dy ditë pas denoncimit tonë, rezultatin e paracaktuar për prokurorinë , e pohoi me gojën e tij kryeministri Edi Rama.

Krasta: Unë e di se ti ke drejtuar Departamentin e Kodifikimit, je prurje e ekselencës, pra ke qenë student shumë i mirë, je një njeri që punon, mua më thonë që nga – le të themi 2015-a, të gjitha punimet e akteve ligjore të Partisë Demokratike kanë kaluar nëpërmjet teje. Pra praktikisht ti di. Si jurist, ç’është për ty 21 janari?

Bardhi: 21 Janari është një ngjarje e provokuar nga opozita e kohës…

Krasta: Nga pikëpamja juridike?

Bardhi: Një ngjarje e provokuar dhe një grusht shteti i dhunshëm ndaj institucioneve kushtetuese, për të cilën do duhet të ketë përgjegjësi, sikundër ka një ngjarje fatkeqe në atë histori, janë vrarë 4 qytetarë shqiptarë dhe sigurisht ka një dënim për personat përgjegjës për këtë veprimtari. Ka vendim gjykate, ka patur hetime të pavarura të prokurorisë në atë kohë, personat që janë shpallur përgjegjës për vrasjet janë dënuar me burgim nga gjykatat shqiptare, ndërkohë që nuk kemi asnjë dënim për ata që provokuan të gjithë situatën dhe i nxorën njerëzit në shesh për përfitime politike të ditës dhe i bënë ata viktima në atë ngjarje fatkeqe. Sigurisht, do të duhej të kishte dënim edhe për atë tentativë grushti shteti dhe dhune ndaj institucioneve kushtetuese.

Krasta: Që në fakt nga pikëpamja juridike ti nuk mund ta bësh, se ti nuk mund t’i thuash një njeriu se ti i ke nxjerrë njerëzit në shesh sepse kishe një ide për të krijuar një moment përplasjeje, nga e cila do të kishte rrjedhur një urdhër që u dha nga radha drejtuese e forcave për të shkrehur armët.  Si me thënë, me hipotezë?

Bardhi: Jo jo, ka prova të qarta që e gjithë situata e krijuar ndaj institucioneve ka qenë e organizuar shumë kohë më parë nga kupola drejtuese e Partisë Socialiste. Dhe kjo është një vepër penale për të cilën ata persona do duhet të mbajnë përgjegjësi. Gjer më sot nuk kanë mbajtur përgjegjësi. Ka patur një ngjarje fatkeqe, e përsëris, ku janë vrarë 4 qytetarë, për të cilët janë dënuar personat përgjegjës.

Krasta: Ke shumë të drejtë. Kuptova. Le ta hapim pak vëllimin e kërkesës për ta analizuar atë ngjarje sot. Në debatin që bëhet sot, midis njerëzve që komunikojnë në partitë politike PD-PS, të një pjese njerëzish që janë specialistë në nivelin e dytë dhe pastaj në grupimet e mëdha të militantëve, që të dyja partitë i kanë emocionalë dhe jodomosdoshmërisht shumë analitikë, thuhet se dallimi mes PS dhe PD është që PD ka vrarë 4 veta në shesh, PS-ja jo.

Bardhi: Kjo është e pavërtetë. Sigurisht është një konkluzion pa u thelluar në atë që ka ndodhur. Përgjegjësinë morale dhe njerëzore për vrasjen e atyre 4 njerëzve e kanë kryetari i Partisë Socialiste në atë kohë, kryetari i opozitës Edi Rama, dhe çdo zyrtar tjetër që organizoi në atë kohë atë tubim të dhunshëm .

Krasta: Jam dakord, veç kryetari i opozitës ka 6 vjet që udhëheq mazhorancën, ndërsa Partia Demokratike ka që më 21 janar që nuk e ka marrë veten nga jo vetëm një goditje e madhe në marrëdhëniet publike për shkak të asaj që ndodhi, sepse ishte shumë traumatike, por edhe e një perceptimi në public që është një parti pa demokraci të brendshme, me një qasje të dhunshme ndaj – le të themi – reaksioneve, protestave të njerëzve, një parti nga e cila nuk mund të presësh teknikisht që të kthehet në pushtet. Pse do të duhej?

Bardhi: T’i analizojmë të treja, sepse janë 3 çështje që lidhen me njëra-tjetrën, por që kërkojnë një analizë të veçantë. Së pari, përgjegjësia për sulmin ndaj institucioneve dhe gjithë pasojat që sjell një sulm i tillë, sepse parashikohet me ligj që nëse ti tenton të prekësh një institucion të sigurisë së lartë, sigurisht që do të marrësh edhe përgjigjen nga veprimet e ligjshme të Gardës së Republikës apo Policisë së Shtetit, ngarkuar me detyrën për të siguruar një institucion të rëndësisë së veçantë, siç është godina e kryeministrisë.  Në këtë këndvështrim, cilido që ka organizuar atë sulm të dhunshëm, e përsëris se është moralisht dhe nga pikëpamja njerëzore, përgjegjës për humbjen e jetës së atyre 4 qytetarëve.

Krasta: Nuk është një çikë shumë ta pretendosh këtë?

Bardhi: Absolutisht jo. Kjo është e vërteta në këndvështrimin tim dhe në një vlerësim logjik të të gjithë asaj që ndodhi. Nëse ti thërret qytetarët në shesh për të protestuar kundër qeverisë, ke përgjegjësinë për të garantuar dhe për të siguruar jetën e tyre. Dhe nëse ti i nxit që ata të kryejnë veprime të kundraligjshme, të cilat…

Krasta: Ju nuk arritët ta konfirmoni kurrë se kryetari i opozitës së atëhershme…

Bardhi: Ka patur prova dhe fakte të plota në të gjithë dosjen e prokurorisë për atë çështje. Ka qenë zgjedhja e prokurorit të kohës, e ina Ramës, e cila nuk vendosi të thellonte hetimet në atë plan. Por provat dhe faktet kanë qenë të plota, ai ka qenë një grusht i mirëfilltë shteti, një tentativë për të marrë pushtetin me dhunë dhe për të dhunuar institucionet kushtetuese, e orkestruar drejtpërdrejt nga kryetari i opozitës së asaj kohe.

Krasta: Nuk do kisha pritur në fakt një qasje tjetër.

Bardhi: Të marrim elementin e dytë. Partia Demokratike gjatë gjithë këtyre 6 viteve ka organizuar protesta nga më të mëdhatë në historinë e këtij vendi. Nuk ka ndodhur asnjë incident që të nxisë organet ligjzbatuese…

Krasta: Kjo nuk është një arritje e jashtëzakonshme.

Bardhi: Kjo është një arritje e jashtëzakonshme, sepse ky është një mësim drejt demokracisë.

Krasta: Kjo nuk është një arritje e jashtëzakonshme, sepse me ngjarjen e 21 janarit, nëqoftëse Partia Demokratike do të kishte lejuar një devijacion nga një protestë jashtëzakonisht e kujdesshme, kjo do të kishte qenë praktikisht fundi i ekzistencës së një partie politike.

Bardhi: Padiskutim. Por ajo që unë jam duke thënë, jam duke bërë dallimin midis një partie politike që institucionin e protestës e ka manifestim të demokracisë, si në çdo vend të botës, dhe një partie politike që nxit njerëzit të dhunojnë dhe të kryejnë krime ndaj institucioneve kushtetuese dhe të marrin më pas përgjigjen ligjore të institucioneve ligjore. A ka apo jo tejkalim të kompetencave nga institucionet e Gardës,…

Krasta: Përgjigjja është po.

Bardhi: Në rastin e asaj ngjarjeje që ju i referoheni, 21 janarit, ka patur një vendim të gjykatës vendim i lënë në fuqi, i cili ka dënuar personat përgjegjës. Personat përgjegjës janë përgjigjur penalisht. Përsa i përket demokracisë së brendshme në PD,…

Krasta: Më lër ta ekzaminoj me qejf demokracinë e brendshme, sepse është shumë e dyshimtë. Natyrisht, për ne, me syrin nga jashtë. Përpara se të shkojmë tek demokracia e brendshme, dua të të hedh një vështrim, në raport me atë sensing apo rrugëtimin apolitik. Një nga periudhat më të lavdishme të njeriut, sepse, pastaj, në momentin që bëhet politik, bëhet edhe i palezetshëm, në një sens…

Bardhi: Uroj që kjo të mos ndodhë me mua. Do të bëj gjithçka që kjo të mos ndodhë me mua.

Krasta: Dua vërtet që ta bësh. Kur ta kujtojnë ty që në vitin 2013 ke bërë një deklaratë të fuqishme se më në fund u mbyll koha e…

Bardhi: Kjo është një gënjeshtër.

Krasta: Është e gënjeshtërt?

Bardhi: Absolutisht po. Unë …

Krasta: Ta them se nuk do ta kuptojë publiku prapë. Pretendohet sot dhe – meqë ra fjala – mirëseerdhe në detin e peshkaqenëve…

Bardhi: Jam i përgatitur.

Krasta: Aaaa…, shtrëngoji mirë dhëmbët se do dëgjosh…

Bardhi: Thjesht qesh me çdo lajm të pavërtetë që përhapet mbi personin tim. Thjesht nuk kam asnjë problem në këtë drejtim.

Krasta: Vetëm qesh?

Bardhi: Vetëm qesh.

Krasta: Nuk kthen një përgjigje për ta ndryshuar të vërtetën?

Bardhi: Jo. Në rastin konkret

Krasta: i kthehemi rastit konkret. Ka një pretendim se në vitin 2013, kur PD humbi pushtetin, dhe PS erdhi në pushtet, ti ke bërë një deklaratë publike ku thuhet se ti je shprehur se më në fund oficerët e militantizmit ose figurat e militantizmit të ashpër agresiv politik – shenja të tmerrshme kishte në atë kohë – e mbyllën me pushtetin. Tani le të shohim nga e ardhmja. Pak a shumë kjo ishte e perifrazuar.

Bardhi: Së pari, nëse do ishte një deklarim public, do duhej…

Krasta: Të gjendej.

Bardhi: të gjendej diku, dhe sigurisht arkivat e mediave dhe gjithçka tjetër është e hapur…

Krasta: Google ekzistonte në 2013-n.

Bardhi: Dhe mund të kërkohej. Unë dua të sqaroj vetëm një gjë. Në vitin 2013 kam qenë drejtor në Drejtorinë e Përgjithshme të Kodifikimit, që është një nga drejtoritë më të rëndësishme në Ministrinë e Drejtësisë dhe praktikisht drejtoria më e rëndësishme juridike në vend. Pra isha në një pozicion nga më të lartët në administratën publike për profesionin që unë kisha, pra jurist. Dhe kurrsesi unë nuk mund të gëzoja që partia që më dha mua shansin, që nëpërmjet meritës dhe punës time, të arrij deri në atë nivel pozicioni, që ishte një arritje e jashtëzakonshme profesionale për mua, po largohej nga pushteti.   Unë nga PD kisha provuar se si me meritë edhe punë, pavarësisht se ti je një njeri që nuk ke asnjë mbështetje politike, pavarësisht se ti vjen nga një familje krejt e thjeshtë dhe pa lidhje me faktorë të caktuar politikë apo ekonomikë, pra një familje normale siç ëhstë familja ime, unë kisha ngjitur shkallët e karrierës në administratën publike…

Krasta: Pra nuk është e vërtetë?

Bardhi: Aboslutist jo. Dhe cilido që mua më njeh e di fort mirë që unë nuk mund të përdor epitete të tilla ndaj askujd. Unë jam një njeri që mund të etiketoj askend.

Krasta: Deri më sot një njeri politik i PD që nuk përdor epitete për asnjë dhe për dikë nuk ecën përpara…Me këtë menditalitet që ka egzistuar.

Bardhi: Ndoshta. Unë do të vazhdoj ta ruaj këtë parim që më ka udhëhequr mua gjithmonë në jetë. Unë merrem me një person lidhur me atë që ai bën në raport me interesin publik. Nuk merrem kurrë dhe në asnjë rast me cilësitë e tij individuale, personale,  familjare. Kjo është një pjesë që mua nuk më intereson. Nëse nga veprimtaria e tij publike cënohet interesit public është detyra ime për shkak të angazhimit në politikë për të mbajtur një qendrim.

Krasta: Më pëlqen përsëritja e juristëve për ta bërë mesazhin më të dallueshëm.  Votimet në PD, a mund ta di pse numërimi u bë me dyer të mbyllura? Çfarë kërcënonte PD?

Bardhi: Nuk është bërë me dyer të mbyllura. Votimi është bërë me dyer të hapura si dhe numërimi.

Krasta: Një derë ka qënë e hapur, ajo e kryetarit…

Bardhi: Kryetari nuk ka qënë fare në zyrë. Unë nuk kam ndjekur procesin e numërimit për sekretariatin duke qënë se isha një person kandidat. Por një përfaqësues ii mi i caktuar prej meje ka qënë në sallë dhe ka monitoruar të gjithë procesin.

Krasta: Çdo njeri që do fitonte do ishte i lumtur me procesin…

Bardhi: Unë do të shpjegoj si është zhvilluar procesi. Ju jeni gazetar dhe keni të gjithë të drejtën të verifikoni nëse unë po them të vërtetën ose jo. Nëse nuk e them të vërtetën mbaj përgjegjesi për fjalën time sepse po e them para kamerave. Pra unë në cilësinë e kandidatit për postin e Sekretarit të Përgjithshëm kam patur një përfaqësues timin në sallë i cili ka monitoruar të gjithë procesin e numërimit. Pas shpalljes së rezultatit për sekretariatin unë u shpalla fitues dhe fillova menjëherë detyrën dhe kam qënë present gjatë gjithë pjesës së numërimit të anëtarëve të kryesisë.

Krasta: pra ka qënë një proces korrekt sipas teje?

Bardhi: Absolutisht që po. Me dyer të hapura dhe në sallë kanë qënë mbi 25 persona, kandidatë apo përfaqësues të kandidatëve që konkuronin për 15 vende në kryesi të cilët kanë mbajtur shënim çdo votë të lexuar nga komisioni. Deri më sot nuk kemi asnjë kontestim nga askush që ka qënë në garë.

Krasta: Pse ka pasur zenka me z Gjana?

Bardhi: Asnjë zenkë nuk ka pasur me z Gjana dhe këto janë thjeshtë lajme të përhapura për të bërë pis një proces transparent.

Krasta: A është larguar i inatosur z Ibro nga ambjentet e numërimit?

Bardhi: Absolutisht jo. Z Ibro sa kohë që unë kma qënë duke monitoruar procesin ka qënë me mua në sallë dhe mbante shënim çdo votë të tij dhe dijeninë time nuk ka asnjë kontestim për procesin. Do të duhet të bëjmë një dallim shumë të qartë që në PS prej shumë vitesh është asgjesuar institucioni i zgjedhjeve.

Krasta: Pse jeni i shqetësuar për PS-në. lereni në hallin e saj. Ne jemi të shqetësuar për një parti që konkuron për pushtet…

Bardhi: Demokracia e brendshme në një parti dhe mënyra se si ti sillesh me një parti politike është tregues se si ti sillesh me qeverisjen. Ne kemi një parti që ka asgjesuar votën brenda partisë dhe bën të njëtën gjë me qeverisjen apo zgjedhjet e përgjthshme dhe vendore në vend.

Krasta: Sipas analistëve, zgjedhjet e kryesisë së PD dhe sekretarëve të saj, si z Bushati, ai pati një ndjesi se kjo përfundimisht e çimentoi jo vetëm përceptimin por edhe bindjen që PD sot si edhe në të kaluarën është një parti e shefit?

Bardhi: Kjo është e pavërtetë. Nëse nëse analizon listën e anëtarëve të kryesisë të cilët janë zgjedhhur me votë nga anëtarëte Këshillit Kombëtar do të shikosh që aty brenda ka individë të votuar që kanë qënë kritikë ndaj Bashës dhe me deklarata që shpeshherë tejkalonin normalitetitn brenda shfaqes së mendimit të lirë në një parti politike. Kanë mbetur zëra që përcepton edhe në realitet janë mbështetës të Bashës që është kryetar i PD por ky është procesi transparent dhe demokratik që ndodh në PD.

Krasta: Sipas analizës tënde është Basha sot një lider i mbështetur mjaftueshëm?

Bardhi: Padiskutim. Lulzim Basha është kryetar i PD, gëzon mbështetjen e të gjitha strukturave të PD, dhe padiskutim gëzon edhe mbështetjen e çdo demokrati që beson se PD është alternative e vetme që e çon vendin përpara drejt integrimit në BE dhe demokratizimit të mëtejshëm të qeverisjes në vend.

Krasta: Më pëlqeu shumë kjo frazë e cila ishte e shëndoshë nga pikëpamja e formës. Në përmbajtje besoj e ke të qartë se ka një mosbesim të lartë në raport me PD sot në publik, por ka edhe një bindje të thellë në nivelet e larta të PS dhe rilindjes që jo vetëm zgjedhjet e ardhshme nuk fitohen por ata aty janë shumë të lumtur dhe të përgatitur edhe për një katër vjeçar tjetër, Zoti e shpëtoftë Shqipëri të z Kryeministër në pushtet…

Bardhi: Sepse ata mendojnë se zgjedhjet do të jenë në të njëjtat standarde që kanë qënë në vitin 2017 ku nuk përcaktoi vota ime apo e juaja por përcaktoi lidhja midis një politikani në zonë dhe një krimineli. Prandaj dhe ne propozuam një zgjidhje politike që ishte vetingu në politikë për shkëputjen e lidhjes mes politikës dhe krimit të organizuar por PS dhe çdo parti tjetër që do konkurojë me opozitën në zgjedhje duhet të ketë të qartë dy elementë; nëse zgjedhjet janë të lira dhe të ndershme dhe është vullneti i shqiptarëve ai që përcakton se kush duhet të qeverisë vendin…

Krasta: Nëse janë të lira dhe të ndershme, PD vjen në pushtet dhe në rast se ato nuk janë nuk vjen në pushtet?

Bardhi: Nuk thashë këtë. Ne mund të hyjmë në garë me çdo parti politike në zgjedhje të lira dhe të ndershme dhe mund të humbim garën sepse ajo ka edhe humbjen brenda por unë kam bidnjen e thellë nga kontakti i vazhdueshëm që kam me qytetarët shqiptarë, se nëse zgjedhjet janë të lira dhe të ndershme dhe nuk diktohen as nga paratë e krimit të organizuar dhe as nga eksponentë të krimit të organizuar që marrin peng dhe kanë marrë peng prej të paktën 5 viteve zgjedhjet  në Shqipëri…

Krasta: Si do ta realizoni ju këtë? Lidhja me kriminelë e të pushtetshëm dhe në një kuptim në një lloj establishmenti oligarkik, tanimë me jo vetëm që egziston, apo ai është konsagruar. Ai tanimë ka formën e vetë më të plotë dhe si do ta çmontoni ju?

Bardhi: Kjo është sfida që ka sot PD. Ne ofruam një zgjidhje politike është ishte zgjedhje ligjore dhe kushtetuese. PS nuk e pranoi sepse ka bindjen që besoj ju e ndani me mua, që nëse shkëputen lidhjet mes politikës dhe krimit apo me sparave të pista që blejnë zgjedhjet, sigurisht që PS do të dilte edhe sot një parti që nuk do qeveriste vendin. PS nuk është shumicë qeverisëse në vend pavarësisht se sot në mënyrë kriminale drejton vendin dhe rezultati është ky.

Krasta: Nuk jam i mendimit tuaj me gjithë respektin. E dini pse? Po ju jap nja dy numra të vegjël. Sipas egzaminimeve të kujdesshme, PD sot është një parti me 22 % të elektoratit. PS vjen nga një ballafaqim shumë i fortë, me blerje apo jo vote, por nga pikëpamja teknike është një parti që e mori komlet tepsinë…

Bardhi: Dhe rezultati është ky që shohim.

Krasta: Dhe rezultati është ky që shohim. Zoti e di nëse në procesimin analitik pastaj arrihet të kuptohet se çfarë po ndodh pork jo është drama që kemi edhe si gazetarë, edhe si njerëz të këtij vendi. Pse ka këtu një mungesë shpresë në këtë vend sepse ne nuk jemi në gjendje të dimë dhe të sigurohemi se ku shkon vota jonë. Kjo është drama e madhe.

Bardhi: Padiskutim. Fakti që politikanët nuk e kanë të lidhur fatin e tyre me qytetarët. Ky është sistemi zgjedhor apo procesi zgjedhor që ndodh aktualisht në Shqipëri. Politikani e lidh fatin me 3 apo 4 eskponentë të krimit në zonë…

Krasta: Zoti Bardhi, partia juaj nuk na jep besim! Sa të qartë doni të jua bëj?

Bardhi: Kjo është sfida jonë kryesore; të kthejmë besimin tek qytetarët. Nuk do të duhet në asnjë moment që të presim qytetarët që të vijnë tek ne, do të duhet që ne të shkojmë tek qytetarët, të dëgjojmë hallet dhe shqetësimet e tyre, të hyjmë brenda shqetësimeve të tyre, sepse nuk do të mund të analizojmë dhe nuk do të arrijmë kurrë shqetësimet e njerëzve, një njeriu që nuk ka bukë në ship nëse në shtëpinë tonë kemi bukë për të ngrënë. Pra, duhet të shkojmë atje ku ky fenomen i dhimbshëm ndodh, për ta përjetuar vetë këtë fenomen. Për të dëgjuar ëndrrat dhe shpresat që kanë fëmijët e tyre dhe qytetarët shqiptarë në tërësi dhe për të ju ofruar atyre zgjidhje. Kjo është sfida që kemi ne sot. Ne nuk kemi sfidë përballjen me numra apo shifra me Edi Ramën dhe PS-në. Sfida jonë kryesore sot është të bëhemi njësh me qytetarët shqiptarë.

Krasta: Më pelqen. Kam një merak; është Partia Demokratike duke dhënë shenja të dallueshme, se është gati që, ajo ka kërkuar natyrisht, po mendon që ka ndonjë komunikim të nëndheshëm emisarësh me PS-në?

Bardhi: Zero! Me Partinë Socialiste? Zero! Qëllimi jonë kryesor sot, është të rrëzojmë Edi Ramën..

Krasta: Si mund të jetë qeveria provizore e pranushme, nga një kryeministër që e ndjen veten jashtëzakonisht të fuqishëm? Ka kohë madjeë që të bëjë dhe MEME, për të treguar se nga fotografia e parë në të dytën nuk ka ndryshuar shumë…

Bardhi: Për aq sa çmund të lexoj zotin Rama, mua më duket se ai ndodhet në ditët më të kqija. Është një politikan I cili nuk po qeveris. Pra, e ka braktisur qeverisjen e vendit. Meraku i tij i vetëm është të shpëtojë ato milionat buxhetit të shtetit që kanë mbetur pa u shpërndarë…

Krasta: 38 përqind e popullatës së Shqipërisë, do të ishin seriozisht kundër kësaj deklarate…

Bardhi: Padiskutim, pasi këto janë sondazhe që I bën vetë Partia Socialiste, por sondazhet tona nuk flasin për të njëjtën gjë…

Krasta: A mund ta di për ç flasin sondazhet tuaja?

Bardhi: Sot opozita është shumicë në të gjithë vendin. Sot pakënaqësia ndaj qeverisë së Edi Ramës, ka arritur kulmin. Sot vuajtja e qytetarëve për shkak të keqqeverisjes së Edi Ramës dhe pritshmëria e tyre, për largimin një orë e më parë të kësaj qeveria, është më e madhe se kurrë dhe më e madhe se kurrë ndonjëherë ndaj një qeverie që sapo ka nisur mandatin e vet të dytë, sepse sapo ka mbaruar viti i parë i mandatit të dytë të kësaj qeverie. Dhe sot shqiptarët pyesin: kur do të largohet Edi Rama nga qeverisja.

Për të ju kthyer pyetjes tuaj për qeverinë teknike apo provizore, që mund të përgatisë zgjedhjet, qëllimi është që kjo qeveri…

Krasta: Kërkesa e nga Partia Demokratike, bërë një njeriu I cili praktikisht nuk e ka farë në mëndje ta bëjë këtë, a nuk është qesharake vetvete: hajde ti të lutëm, të bëjmë një qeveri provizore që ti të ikësh, që unë të vi në pushtet pas ca vitesh?

Bardhi: Ne, do të duhet ti marrim hapat një nga një, nuk mund të kalojmë nga hapi I parë për të shkuar tek hapi dhjetë. Ky është I parë I opozitës së bashkuar, pra, ofrimi I një zgjidhje politike.

Krasta: Ofrimi I një zgjidhje, që kryeministri t ëiki dhe që PD të vijë në pushtet. Kjo është naïve në më të voglën e saj.

Bardhi: Në asnjë mënyrë! Ka patur dhe vazhdon të ketë, një qëndrim të qartë të Partisë Demokratike, shprehur nga kryetari Basha, që PD dhe çdo parti politike në çdo vend demokratik, vjen në pushtet vetëm nëpërmjet votës. Pra, nuk rrëzohet dhe ndryshohen partitë në qeverisje me marrëveshje apo me zgjidhje politike. Është vota e qytetarëve ditën e zgjedhjeve, që përcakton se kush parti politike duhet të jetë në qeveri dhe për këtë nuk kemi asnjë dyshim. Nuk kemi për teë pasur kurrë asnjë dyshim, sepse Shqipëria është një vend demokratik dhe që sipas ligjit dhe Kushtetutës, janë zgjedhjet ato që përcaktojnë qeverisjen.

Krasta: Ti përmende katër fjalë kyç, që në Shqipëri, vetëm ashtu siç janë, nuk janë…

Bardhi: Prandaj Shqipëria është kjo që është…

Krasta: Fjala vjen; Kushtetuta, demokracie hibride, skandaloze, me ca deviacione të tmerrëshme. Pra, ti në këtë vend nuk mund të pretendosh…

Bardhi: Më lejo të them gjëra tek të cilat unë besoj. Unë besoj që zbatimi I ligjit dhe I Kushtetutës, dhe kontrata që ata ofrojnë, është e vetmja zgjidhje midis njerëzve, për të jetuar në harmoni dhe për të pasur një jetë më të mirë. Nëse ne themi: nuk pyesim për ligjin, nuk pyesim për Kushtetutën, se ne jemi shumica, se populli na ka dhënë shumicën, atëherë rezultati do të jetë ky që është sot. Një vend pa qeverisje, një vend që po çon njerëzit në depression dhe ku zgjidhja e vetme është largimi nga Shqipëria. Dhe unë besoj fuqimisht, se rikthimi tek zbatimi I ligjit, zbatimi I Kushtetutës, është e vetmja formë që I vë fre abuzimit më pushtetin. Çdo qeveri që vjen, I duket vetja e fortë, shumicë, dhe ka një prirje për të abuzuar më pushtetin. E vetmja garanci që kjo mos të ndodhi, është zbatimi I ligjit dhe institucionet e pavarura dhe të forta.

Krasta: Ka një frikë në përceptimin popullor, që ka një raport relativisht të pashëndetshëm, qoftë edhe në distancë, midis kryeministrit Rama dhe kryetarit Basha, një mardhënie që jo domosdoshmërisht, psh mund të ketë takime secrete, verë ose disa diskutime në raport me një lloj situate stabilishmenti, ku ti më mban dhe unë të mbaj, dhe të dy bashkë shkojmë përpara. Deri këtu jo, pork jo historia e këtyre minikontakteve, ndaj të cilave zoti Basha, çuditërisht ka dalë gjithmonë jo fitues, në raport me anën publike. A nuk mendon në një kutpim që, PD, gjithë këtë process, tani, të luftës politike e sheh me syrin e një institucioni të mundur? Pra, ka një lloj disfatizimi në parti?

Bardhi: Jo, nuk është e vërtetë. Ka një lloj optimizmi, që Partia Demokratike, është e vetmja parti gjatë këtyre 28-29 viteve, që sa herë që ka qënë në pushtet e ka çuar vendin përpara. Shqipëria ka bërë hapa përpara. Sigurisht që kemi bërë dhe ka bërë gabime, për të cilat ka marrë përgjigje me votë në zgjedhje, por, më lejo të përsëris që nuk ka dhe nuk ka për të pasur kontakt me asnjë individ, që është kryeministri Edi Rama, që po e çon Shqipërinë drejt një gremine, me pasoja parikuperueshme.

Krasta: Keni një ndjesi se në planin e propagandës ata janë më mirë?

Bardhi: Ata janë më mirë, sigurisht. Sepse ata janë parti që propagandën e kanë në themelin e vet. Ata janë pasues të partisë komuniste.

Krasta: ne kemi komunistë bajagi shumë…

Bardhi: Ne përpiqemi që në vend të propagandës, dhe këtë e kemi treguar, të merremi me punë. Zoti Rama dhe qeveria e tij, gjatë gjithë këtyre viteve, është marrë me propagandë dhe zero punë, zero rezultate për atë që për të cilën ekziston një qeveri: Ti shërbejë qytetarëve shqiptarë.

Krasta: tani kamera do të shkojë tek ti plan portret. Pyetja ime është ultra, ultra personale: Sa para keni në bankë?

Bardhi: Unë jam një person…

Krasta: Bëra shaka…

Bardhi: Jo, do të ju përgjigjem… kam një pasuri tërësisht modeste.

Krasta: Bëra shaka! Nuk dua të ja di. Paratë e të tjerëve nuk dihen.

Bardhi: Unë tani jam një person I angazhuar në politikë dhe kam detyrimin të jem transparent për çdo qindarkë që kam, ndaj qytetarëve shqiptarë. Jam subject I deklarimit të pasurisë, për shkak të pozicionit që kam mbajtur prej vitesh, dhe pasuria ime është publike e fituar në mënyrë të ndershme.

Krasta: Jepini PD-së më sens humori…

Bardhi: Jo, kjo është një pyetje serioze, sepse akuzat që I bëhen politikanëve dhe shpesh jo pa të drejtë, paragjykimit që ata angazhohen në politikë për ti shërbyer vetes, për të pasuruar vetën e me rradhë, është një element që mua më ka bërë të dyshoj nëse unë duhet ta marr këtë hap apo jo. Por, duke njohur veten, do vazhdoj të jem po kaq I pasur sa jam dhe në këtë moment që po flas me ty, pavarësisht se çfarë karriere politike do të kem në vijim.

Krasta: Kthehuni në media, mos u mbyllni në ato analet e diplomacisë partiake e të organizimit përgjihshëm emocional dhe të galvanizimit, kthehuni në media sepse mardhëniet publike, janë veprimi I mençur I treguar ndershëm.

Bardhi: Pa diskutim!

Krasta: Të falenderoj që erdhe në program.

Bardhi: faleminderit për ftesën!

(d.d/BalkanWeb)