Një zyrtar i lartë iranian paralajmëroi të enjten se Irani mund të dëbojë inspektorët nga Agjencia Ndërkombëtare e Energjisë Atomike (IAEA) dhe të pezullojë bashkëpunimin me agjencinë nëse vazhdojnë “kërcënimet e jashtme”.

Në një deklaratë në llogarinë e tij X, Ali Shamkhani tha se vazhdimi i “kërcënimeve të jashtme dhe mundësia e një sulmi ushtarak ndaj Iranit” mund të çojë në “dëbimin e inspektorëve të IAEA dhe pezullimin e bashkëpunimit me IAEA”.

Shamkhani, një këshilltar i Udhëheqësit Suprem të Iranit Ayatollah Ali Khamenei dhe ish-kreu i agjencisë më të lartë të sigurisë të vendit, paralajmëroi gjithashtu se transferimi i materialeve të pasuruara në “lokacione të sigurta dhe të pazbuluara brenda Iranit” mund të konsiderohet.

Vërejtjet e tij vijnë në mes të një përshkallëzimi dramatik të tensioneve midis Iranit dhe SHBA-së lidhur me programin bërthamor të Iranit , me presidentin e SHBA-së Donald Trump që kërcënoi me një sulm ushtarak kundër Teheranit.

(A.A/BalkanWeb)