Irani përsëriti se do të nisë “përfundimisht” një sulm të ri kundër Izraelit. “Detajet nuk mund të diskutohen, por patjetër do të kryhet”, tha zëvendëskomandanti i Gardës Revolucionare iraniane, Ali Fadavi, duke përmendur një operacion të ri kundër Izraelit, pas sulmit izraelit në objektet ushtarake iraniane, në përgjigje ndaj lëshimit të raketës nga Teherani më 1 tetor.

“Njerëzit e botës e kanë kuptuar se regjimi sionist është pushtuesi dhe ka pushtuar tokën palestineze, ka dëbuar njerëzit nga shtëpitë e tyre dhe ka vrarë njerëz, gra dhe fëmijë,” shtoi Fadavi, duke folur gjatë një ceremonie në Teheran, raporton “Mehr”.

Deklarata e tij u bënë gjatë një ceremonie në Teheran në “Ditën e Luftës Kundër Arrogancës Globale”, për të shënuar 45 vjetorin e pengmarrjes në ambasadën amerikane në kryeqytetin iranian në vitin 1979.

Pas paralajmërimeve të SHBA-së kundër një kundërsulmi kundër Izraelit, Irani dërgoi një mesazh provokues: operacioni do të përdorë koka më të fuqishme se zakonisht dhe armë të tjera që nuk janë përdorur në të kaluarën.

Zyrtarët iranianë dhe arabë të informuar për planet e raportuan këtë në Wall Street Journal.

“Irani po planifikonte një përgjigje të plotë duke përdorur koka luftarake edhe më të fuqishme dhe armë të tjera, dhe ushtria konvencionale e vendit do të përfshihej në sulmin hakmarrës”, shtuan burimet.

Mbetet për t’u parë nëse kërcënimet iraniane janë të vërteta apo thjesht fjalë të ashpra.