Në një intervistë për “Radio Radio”, ish-mesfushori i Juventusit, Alessio Tacchinardi, ndau mendimet e tij mbi garën për titull, e cila aktualisht përfshin kryesisht Napoli, Inter, Lazio, Atalanta dhe Fiorentina. Duke analizuar situatën e Juventusit, Tacchinardi deklaroi:

“Është e vështirë të thuhet. Sot, Juventusi është një skuadër e mirë, e re, me hapësira për rritje, por edhe me shumë pasiguri. I mungon një lider karizmatik dhe përvoja e nevojshme për të përballuar një sezon të rëndësishëm. Shpresoj që merkatoja të sjellë përforcime, veçanërisht në sulm. Për momentin nuk shoh një Juve të aftë që ta ngushtojë hendekun me ekipe tashmë të gatshme, si Interi apo Napoli”.

Duke vazhduar, Tacchinardi theksoi disa dobësi në stilin e lojës së ekipit të drejtuar nga Thiago Motta: “Juve po bën një kampionat të mirë. Në fillim të sezonit, dukej një ide futbolli më dinamike, më e shpejtë dhe më intensive. Tani, megjithatë, ka një ngadalësim. Posedimi i topit është bërë i ngadalshëm dhe rastet për gol të pakta. Në sulm mungojnë zgjidhjet. Mbrojtja e Juves është shumë solide, por për të konkurruar vërtet në majat e tabelës, janë të nevojshme përmirësime në fazën ofensive”.

Tacchinardi nënvizoi gjithashtu rëndësinë e zhvillimit të mëtejshëm të ekipit dhe domosdoshmërinë e përforcimeve, duke mbetur skeptik për aftësinë aktuale të Juventusit për të sfiduar rivalët kryesorë të titullit.