SARANDË


Policia e Sarandës ka arrestuar një 30-vjeçar, pasi nuk ka zbatuar vendimin e gjykatës, e cila kishte vendosur për të masën e sigurisë “arrest shtëpie”.


Edhe pse gjykata kishte vendosur për sarandiotin këtë masë sigurie, ai ka dalë nga banesa, por u kap nga policia.


Njoftimi i policisë:

Sarandë

Policia ka arrestuar në flagrancë shtetasin E. A., 30 vjeç, banues në Sarandë.

Arrestimi i tij u bë pasi ky shtetas nuk ka zbatuar vendimin e Gjykatës së Rrethit Gjyqësor Sarandë e cila i ka caktuar masën e sigurisë “Arrest shtëpie” për veprën penale “Plagosje e rëndë me dashje”.

Shtetasi E. A, ishte larguar nga vendi i qëndrimit (banesa) në lagjen nr.3 Sarandë dhe është kapur nga shërbimet e policisë.

Materialet iu referuan Prokurorisë për veprën penale “Largimi i të burgosurit nga vendi i qëndrimit”.

(d.xh/Balkanweb)