ITALI
Policia italiane ka arrestuar një shqiptar për veprën penale të mbajtjes dhe trafikut të lëndëve narkotike.
Siç raportojnë mediat lokale, në pranga ka përfunduar një i ri shqiptar, rreth 28-vjeç pasi iu gjet një sasi lëndë narkotike e llojit kokainë e pastër.
Gjatë kontrolleve shqiptarit iu bllokuan 55 gram kokainë, vlera e së cilës në treg përllogaritej në 14 mijë euro. Shqiptari i arrestuar, identiteti i të cilit nuk bëhet publik u kap në Todi, ndërsa Gjykata e Spoletos ka caktuar një masë sigurie duke e lënë në “arrest shtëpie”.