U luajtën mbrëmjen e sotme 4 takimet e vlefshme për eliminatoret e Europianit 2020. Italia dhe Spanja nuk kanë falur teksa kanë siguruar 2 fiture të rëndësishme. Të kaltrit e Mançinit mposhtën me rezultatin 1-2 Finlandën duke u ngjitur në kuotën e 18 pikëve. Imobile dhe Zhorzhinjo ishin autoret e golave për Italinë, teksa për vendasit realizoi Puki.


Spanja ka bërë detyrën në shtëpi, teksa ka mposhtur me rezultatin 4-0 modestët e Ishujve Faroe, në një takim që foli i gjithi për iberikët. Dopietat e Rodrigo dhe Alkaser i siguruan fitoren kombëtares spanjolle që ashtu si Italia udhëheq grupin me pikë të plota.


Një rezultat surprizë është regjistruar mbrëmjen e sotme. Greqia i ka surprizuar të gjithë, teksa nuk ka shkuar më shumë se barazimi 1-1 ndaj Lihtenshtejnit, duke konfirmuar kështu krizën që është duke kaluar.


Në 6 takime kombëtarja helene ka arritur të sigurojë vetëm 5 pikë, teksa kualifikimi në Europian është thuajse i pamundur. Sifda tjetër mes Suedisë dhe Norvegjisë, përfundoi në barazim 1-1.

REZULTATET: 

FINLANDË – ITALI 1-2

Puki 72′ (p) / Imobile 59′, Zhorzhinjo 79′ (p)

SPANJË – ISHUJT FAROE 4-0

Rodrigo 14′ , 50′, Alkaser 90′ , 90+2′

GREQI-LIHTENSHTEJN 1-1

Masouras 34′ / Salanoviç 85′ 

SUEDI-NORVEGJI 1-1

Forsberg 60′ / Johansen 45′

/Panoramasport/