Shtatë civilë janë vrarë në një sulm izraelit në Damask, sipas mediave shtetërore siriane.

Sulmi kishte në shënjestër një ndërtesë banimi në periferi Mezzah të kryeqytetit sirian, tha Agjencia Arabe Siriane e Lajmeve.

Observatori Sirian për të Drejtat e Njeriut tha se komandantët e Korpusit të Gardës Revolucionare iraniane ishin mes personave që frekuentonin ndërtesën.

Raportet paraprake thanë se midis të vdekurve ishin gra dhe fëmijë, raportoi SANA, duke cituar një burim ushtarak.

11 persona të tjerë u plagosën dhe u shkaktuan dëme “të rënda” në pronat private, tha burimi ushtarak.

Ata shtuan se sulmi ajror u krye përmes tre raketave që vinin nga drejtimi i Lartësisë Golan.

Izraeli ka kryer sulme kundër objektivave të lidhura me Iranin në Siri prej vitesh, por i ka shtuar sulmet e tilla që nga sulmet e 7 tetorit të vitit të kaluar nga Hamasi.