Ish-kryetari i parlamentit të Kosovës Jakup Krasniqi është bërë gjysh.

Vajza e tij Gresa Krasniqi njoftoi përmes një postimi në Facebook se është bërë nënë e një vajze. Ajo tha në postim se ia ka lënë emrin vajzës Odeta.

“Odeta ime. Mirë se erdhe në jetë bija ime. Në këtë botë që jeta të sfidon kaq shumë, uroj të jetosh gjatë dhe e lumtur. Do të rritesh me dashurinë për jetën, atdheun e familjen e mbi të gjitha do të rritesh duke dëgjuar fjalët më të mira për gjyshin tënd e heroin tim, babin tim! Te duam që tani, kaq shumë dhe pa fund, nëna dhe babi”, shkroi Gresa Krasniqi në Facebook.

(Balkanweb)