Deputeti i PD, Ervin Salianji reagoi menjëherë pas fjalës së kryeministrit Edi Rama në Parlament i cili e akuzoi se po shtyn gjyqin me raporte mjekësore.
Salianji tha se i vjen mirë që “Rama është ekspert i rrotullimit të gjërave në gojë”. Ai tha se Shqipëria është kthyer në qendër operacionale të trafikut të drogës.
“Më vjen mirë që ishte ekspert i rrotullimit të gjërave në gojë. Ministrat e Brendshëm të tutë kryeministër kanë qenë e janë problematikë. Edhe atë që ke sot në detyrë do ta çojmë në SPAK, ministrin e Brendshëm e kishe ashtu siç e kishe. E ke kthyer Shqipërinë në qendër operacionale të trafikut të drograve të rënda”, deklaroi Salianji.
Pjesë nga replika e Salianjit
Më vjen mirë që kryeministri për të disatën herë e ka mendjen dhe ndjek, siç e kemi thënë, gjyqet e drejtuesve të lartë të opozitës dhe nuk qeveris, prandaj Shqipëria është në këtë gjendje. Më vjen mirë dhe dua ta ve në dukje se ishte ekspert i nivelit të lartë i rrotullimit të gjërave në gojë dhe besoj se të gjithë që e kanë mendjen aty i bëri që t’iu lëshojë goja lëng dhe është e disata herë që e mban në gojë këtë mënyrë të foluri dhe e rrotullon gjithandej. Dua t’i them se nëse në një rast të vetëm kam paraqitur raport mjekësor prej meje, për t’iu shmangur përballjes me këta unë lë mandatin, por ndryshe duhet ta bëjë edhe ai.
Nga ana tjetër, ministrat e tu të Brendshëm njëri pas tjetrit, njëri që e ke vendosur tani një Fatzi për të drejtuar komisionin e reformës duhet dhe për t’i bërë presion SPAK-ut, duhet ta çojmë ne në SPAK si subjekt i ligjit antimafia. Ministrin tjetër të Brendshëm e ke të dënuar, kur dilja këtu e më thoshe nuk janë të vërteta, kur të hyja në fushat me kanabis. Të njëjtën gjë, 600 e kusur gjyq të fituara me eksponentët e t’u, të fundit dje me një të dënuar për prostitucion në Bashkinë e Divjakës, një ish tjetër.
Kur del dhe thua të pavërteta, rri aty e përballu, mos ik si frikacak. Kujt i jep llogari ti, nga kush zgjidhesh? Eksponentëve të krimit të organizuar? Jep llogari para personaliteve të krimit të organizuar me lidhje ndërkombëtare që e ke kthyer Shqipërinë në han me dy porta dhe qendër operacionale për trafikun e drogave të rënda siç ta thotë raporti i DASH.
LIVE – Seanca e Kuvendit të Shqipërisë
(BalkanWeb)
