FRANCE

Për javën e 10-të radhazi, protestuesit “Jelek verdhë” mbushën rrugët e Parisit dhe qytete të tjera në Francë, ndërsa mijëra policë qëndruan roje. Më parë, Presidenti Emmanuel Macron filloi “debatet e tij kombëtare” për krizën. Në atë që quhet ‘Akti 10’ i protestave në mbarë vendin, xhaketet e verdha u mblodhën në qytetet franceze të shtunën. Në Paris, ata pushtuan Champs-Elysees dhe Esplanade des Invalides pranë parlamentit të vendit. Njerëzit shiheshin duke valëvitur flamuj kombëtarë dhe  flakadanë.

Disa protestues sollën arkivolin e kartonit, në kujtim të njerëzve që kanë vdekur që nga fillimi i protestave (shumica të vrarë në aksidente rrugore). Ata marshuan nën një flamur të madh që shkruhej “Qytetarët në rrezik”.

Tubimet e së shtunës zhvillohen një ditë pasi Presidenti Emmanuel Macron nisi “debatet e mëdha kombëtare”, një seri diskutimesh publike rreth politikave të qeverisë. Ai shpreson se debatet do të ndihmojnë në arritjen e një kompromisi me protestuesit, por shumë prej tyre kanë shprehur skepticizëm lidhur me formatin dhe synimet. Si rezultat, disa protestues u shfaqën me pankarta që denoncojnë debatet si një skemë të  pandershme.

(BalkannWeb)

 

Sondazh


Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: