Jennifer Lawrence, e cila është shtatzënë me fëmijën e saj të dytë, u shfaq në Los Angeles pak ditë më parë duke treguar barkun e saj të fryrë.
Më 20 tetor, përmes një postimi në “Vogue” në Instagram, u bë e ditur se ylli i serialit “Hunger Games” është në pritje të fëmijës së dytë me bashkëshortin Cook Maroney. Çifti, i cili tashmë ka një djalë dy vjeç, është i martuar që nga viti 2019.
Në një intervistë të vitit 2022 për Vogue, aktorja foli për lumturinë që përjetoi kur u bë nënë për herë të parë, duke thënë se lindja e djalit të saj “ndihej si një fillim i ri”. “Unë thjesht po shikoja djalin tim. Isha kaq e dashuruar. Kam rënë në dashuri me të gjitha foshnjat, kudo. Të porsalindurit janë thjesht të mrekullueshëm ”, tha ajo.
Pregnant Jennifer Lawrence shows off her bump while having dinner with a pal in Los Angeles https://t.co/nycLf2hHMr
— Daily Mail Celebrity (@DailyMailCeleb) November 8, 2024
Lawrence arriti ta mbante shtatzëninë të fshehtë gjatë xhirimeve të filmit të saj të ri Die My Love, i cili filloi në gusht.
