Ka ardhur momenti për të mbyllur përfundimisht marrëveshjen me De Ligt. Nuk ka më asnjë dyshim që kapiteni i Ajax ka zgjedhur Juven për të vijuar karrierën, tani është radha e drejtuesve të Zonjës të përcaktojnë detajet e fundit të kontratës dhe të hedhin të zezën mbi të bardhë. Drejtori sportiv i Juves, Fabio Paratici dhe Mino Raiola kanë udhëtuar në Amsterdam për të firmosur zyrtarisht me talentin holandez.

Akordi është gjetur prej kohësh: 70 milion euro për Ajax dhe një kontratë 5-vjeçare për De Ligt, 8 mln euro kesh plus 4 të tjerë në formë bonusesh. Drejtuesit e Juves dëshirojnë ta blindojnë menjëherë 19-vjeçarin duke i vendosur një klauzolë largimi prej 150 milion euro. Një goditje e madhe e bardhezinjve në merkato që gjejnë në këtë mënyrë zëvendësuesin perfekt të BBC së famshme.

Pas Ronaldon, De Ligt konsiderohet si goditja e dytë me e madhe e Paraticit. Një meritë në të padiskutueshme në mbylljen e kësaj marrëveshje ka dhe Mino Raiola, i cili bindi lojtarin por dhe drejtuesit e Juves që ti paguanin bonusin që kërkonte, 11 milion euro komision.
(BalkanWeb)