ANGLI- Një kameriere në Mbretërinë e Bashkuar shpërtheu në lot pasi mori një bakshish të majmë dhe të papritur nga një klient. Përveç porosisë që kushtonte 9.53 sterlina, klienti bujar i la kamerieres edhe plot 200 paund të tjera.
Motivi i kësaj zemërgjerësie të papritur shkruhej në pjesën e pasme të faturës. “Brandi, faleminderit për shërbimin tuaj! Të dëgjova teksa flisje për fëmijën tënd larg prej teje, përdori këto para për t’i bërë një vizitë”, shkruhej në faturë.
Kamerierja e publikoi foton e faturës në Igmur dhe shfaqi emocionin për marrjen e kësaj dhurate : “Shpërtheva në lot në kuzhinë. Personat bujarë dhe të dobishëm ekzistojnë akoma”, shkruante gruaja.
(m.k/BalkanWeb)