Kontejnerë që përmbanin kokainë me vlerë më shumë se 10 milionë euro janë konfiskuar nga Departamenti i Doganave të dielën në port në Maltë, sipas autoriteteve vendase.

Pas sasisë prej 91.2 kg të kapur të dielën më 7 prill dhe asaj prej 24 kg të kapur të martën, të dielën (14 prill), pas një operacioni që zgjati disa orë deri në orët e para të ditës së sotme (e hënë, 15 prill), zyrtarët e Departamentit të Doganave zbuluan një tjetër sasi prej 91.25 kg kokainë nga tre kontejnerët në Freeport në Maltë, shkruan independent.com.mt.

Në orët e para të së dielës, njësia e monitorimit të kontejnerëve doganor përzgjodhi disa kontejnerë për skanim. Pas skanimeve paraprake, të marra nga Ekipi i Skanimit të Doganave, janë vërejtur parregullsi në tre kontejnerë, në njërin prej të cilëve u zbuluan pakot me drogë të fshehura. Një kërkim fizik konfirmoi dyshimet paraprake.

  • foto galeri
  • foto galeri
  • foto galeri

Në kontejnerin e parë u zbuluan 20 pako kokainë, me peshë 24 kg, me një vlerë prej 2.7 milion euro. Në kontejnerin e dytë ishin 40 pako me kokainë, me peshë 48 kg, me një vlerë prej 5.4 milion euro. Në kontejnerin e tretë, Zyrtarët Doganorë gjetën 16 pako kokainë, me peshë 19.25 kg dhe një vlerë prej 2.2 milion euro. Në total, 76 pako kokainë, me peshë 91.25 kg, me një vlerë prej 10.3 milion euro.

Sipas mediave vendase, kontejneri i parë dhe i tretë po kalonin përmes Maltës, ndërsa vinin nga Amerika e Jugut, në rrugën drejt Durrësit, në Shqipëri, por nuk është e qartë nëse Durrësi ka qenë destinacion përfundimtar. Ndërsa kontejneri i dytë, i cili gjithashtu vinte nga Amerika e Jugut, kalonte në portin maltez për të shkuar në Selanik, Greqi.

Droga
Droga

Operacioni ishte rezultat i një bashkëpunimi midis punonjësve të Departamentit të Doganave, Policisë dhe Malta Freeport. Çështja u mor në dorë nga Skuadra Anti Drogë e Policisë, të cilët po kryejnë hetimet. Prokuroria po udhëheq hetimin e ndihmuar nga një ekip ekspertësh të Policisë.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb