SHKODËR

Policia e Shkodrës ka dhënë informacione zyrtare pas kapjes së një sasie të konsiderueshme droge në Malësi të Madhe, që çoi në arrestimin e një 33-vjeçari dhe shpalljen në kërkim të një tjetri. Bëhet fjalë për goditjen e një linje trafiku nga Shkodra drejt Malit të Zi.


Nga strukturat e Drejtorisë Vendore të Policisë Shkodër, u zhvillua operacioni i koduar “Liqeni”, ku si rezultat i këtij operacioni u arrestua në flagrancë shtetasi Marjan Kurteza 33 vjeç në banues në fshatin Shtoj i Ri, Shkodër si dhe u shpall në kërkim shtetasi D. B., 35 vjeç, banues në Shkodër.


Në bazë të informacioneve policore dhe punë operative policore të bërë në lidhje me një grup kriminal që kryenin organizimin, financimin, transportin dhe trafikimin e lëndëve narkotike (Marijuanë) nga qyteti i Shkodrës në drejtim të Malit të Zi, në orët e para të mëngjesit të sotëm është marrë informacion se dy shtetas po tentonin të trafikonin një sasi të konsiderueshme lënde narkotike.


Mbi bazën e këtyre informacioneve është zhvilluar operacioni i koduar “Liqeni”. Si rezultat në breg të liqenit Shkodër u bë kapja në flagrancë e shtetasit M.K. si dhe u shpall në kërkim D. B.

Në cilësinë e provës materiale u sekuestruan 204 kg Marijuanë, 2 mjete një tip “Land Rover” dhe një mjet tip “Mercedes Benz’, 4 telefona celularë, si dhe mjete që i përdornin për paketim e lëndës narkotike. Policia thotë se operacioni vijon për kapjen e shtetasit D.B.

Grupi hetimor nën drejtimin e Prokurorisë vijon hetimet për identifikimin dhe kapjen e bashkëpunëtorëve të tjerë në këtë aktivitet kriminal.
Materialet proceduriale i kalojnë Prokurorisë Pranë Gjykatës së Shkallës së Parë Shkodër, pasi dyshohet për veprat penale të “Trafikimit të narkotikëve“ kryer në bashkëpunim e mbetur në tentativë” dhe “Prodhimit e shitjes së narkotikëve kryer në bashkëpunim” parashikuar nga nenet 283/a/2 -22 dhe 283/2 të Kodit Penal.

  • foto galeri
  • foto galeri
  • foto galeri

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb