Një peshkaqen i llojit tigër, me gjatësi pesë metra e peshë rreth gjysmë toni, është kapur në ujërat e Adriatikut nga anija peshkatore “Meduza Durrës” ditën e sotme. Peshkaqeni i konsideruar i rrezikshëm me peshë rreth 500 kg, ka rënë në rrjetat e peshkatarëve së bashku me 15 këlyshë.


Petrit Drogea kapiten i anijes Meduza në një prononcim për News24 sapo mbërriti në portin e Durrësit tha se peshku i konsideruar i rrezikshëm për ujërat e Adriatikut dhe të Mesdheut u kap në thellësinë 175 metra thellësi. Kjo është hera e dytë që kjo anije zë një peshkaqen të kësaj madhësie në gjuetinë në det.


  • foto galeri
  • foto galeri
  • foto galeri
  • foto galeri

Klima ka ndryshuar dhe llojet e peshqve tashmë gjenden edhe në cekëtin. Po ashtu edhe peshqit e mëdhenj synojnë bregun për shkak të ushqimit.


Petriti ka gati 50 vjet në det, si kapiten e anijeve të peshkimit, por sërish sa herë që në rrjeta bie një peshk i rrallë, kjo konsiderohet si një sfidë për kapitenin që ndjehet fitues në detin e hapur.

E ndërsa anija peshkatore është ankoruar në portin e Durrësit të shumta kanë qenë edhe restorantet të cilët kanë nisur prenotimin për peshkun e freskët, aq shumë i kërkuar nga konsumatori për shijen e veçantë të tij.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb