NEPAL- Mrekullitë mund të ndodhin. Ushtria në Nepal ka arritur të nxjerrë nga rrënojat në Bhaktapur një foshnje vetëm 4 muajshe, 22 orë pas tërmetit. Ekipet e shpëtimit dhe banorët në Nepal, të dielën nisën kërkimin e dëshpëruar për të mbijetuarit një ditë pas tërmetit me magnitudë 7.8 ballë, epiqendra e të cilit ishte pranë kryeqytetit Katmandu, duke rrafshuar shtëpitë, ndërtesat dhe tempuj dhe duke shkaktuar dëme të pallogaritshme në të gjithë rajonin.
Rrugët dhe sheshe të tëra në kryeqytetin e më shumë se 1 milion njerëzve ishin të mbuluara në rrënojat. Banorët të shokuar nisën kërkimet për të mbijetuarit. Mbi 5000 njerëz janë regjistruar të vdekur. Megjithatë, ky fëmijë i mrekullueshëm u shpëtua nga ushtria Nepal pasi ishte bllokuar në rrënojat e tërmetit për 22 orë.
(m.k/BalkanWeb)