Harry Kane del jashtë shërbimi për të paktën 7 javë. Dëmtimi i pësuar në sfidën kundër Man.United ka rezultuar më i rëndë se sa parashikohej. Sipas BBC, rezonanca magnetike ka treguar se sulmuesi ka pësuar një tërheqje në ligamentet e kaviljes dhe është parë duke dalë nga klinika me paterica.
Mauricio Pochettino duhet të bëjë në këtë mënyrë pa shërbimet e qendërsulmuesit në sfidën e parë në 1/8 e Champions League kundër B.Dortmund(13 shkurt) ndërsa mbetet në dyshim të madh edhe për sfidën e kthimit më 5 mars. Tottenham duhet të bëjë llogaritë pa njërin më të rëndësishëm pikërisht në këtë pikë të sezonit kur “gjelat” ishin kthyer në formë.
Ajo që shqetëson më shumë stafin mjekësor ka të bëjë me faktin se për Kane ky është sezoni i tretë radhazi që pëson një dëmtim në kavilje. Kane ishte shndërruar në objektivin kryesore të Real Madrid por ky dëmtim e largon atë automatikisht nga merkato e dimrit. Dëmtimi i Kane ka zënë faqet e para të çdo media britanike të cilat “qajnë” dëmtimin e kapitenit.
(BalkanWeb)
