Në një takim me shqiptarët në Athinë, Kryeministri Edi Rama ka përsëritur se ishte qeveria e tij që dorëzoi “shpatën” e drejtësisë SPAK-ut, duke theksuar se kjo është një arritje e rëndësishme për Shqipërinë.

Ai shprehu se demokratët nuk ishin dakord me këtë reformë dhe madje kishin kërcënuar se nuk do të merrnin pjesë në zgjedhje.

“Ata dhe dashuria ime, Luli, nuk donin reformën në drejtësi dhe as SPAK, madje kërcënuan se nuk do të hyjnë në zgjedhje,” tha ai, ndërsa shtoi se, ndonëse reforma ka sjellë pasojat e saj, përfshirë ndjekjen e disa individëve nga radhët e PS, qeveria nuk është penduar dhe është krenare për këtë hap të rëndësishëm drejt integrimit të Shqipërisë në familjen europiane.

“Ata dhe dashuria ime, Luli, nuk donin reformën në drejtësi dhe as SPAK madje kërcënuan se nuk do të hyjnë në zgjedhje. Shpresa e tyre e dëshpëruar dhe e mjerë e tyre sot është që SPAK të shkatërrojë PS dhe t’u vijë radha atyre.

Ajo që nuk kuptojnë ata bashkë me shitësin e vegjël të qilimave, që janë të gjithë vegla që të reja kanë vetëm moshën, të gjithë nuk kuptojnë që ne nuk jemi në një punë, ne jemi në një mision, që të bëjmë Shqipërinë pjesë një herë e mirë të familjes europiane, e për të bërë këtë e dimë që barazia e ligjit është kusht.
Mund të mos jemi shumë të mençur por nuk na merr njeri për aq budallenj sa të mos dinim që duke i dorëzuar shpatën drejtësisë, nuk parashihnim që ajo shpatë do të binte edhe mbi kokat e disave nga ne. E dinim dhe nuk jemi penduar. Jemi krenar për këtë”, tha ai.

(BalkanWeb)