Pas këngës “Girls” që bëri bujë nga puthjet pasiononte të saj me një tjetër këngëtare, Rita Ora e ka pranuar publikisht që është biseksuale.

Në një intervistë për revistën Stilist, teksa komentoi edhe albumin e saj të fundit “Phoenix”, e pranoi hapur që është biseksuale dhe se ndihej gati për të treguar të vërtetën.

Këngëtarja shqiptare tha se ndihej krenare për veten dhe për gjërat që ka arritur.
“Nuk isha e frikësuar. Kam pritur për një arsye sepse asnjëherë nuk e ndieva se ishte momenti i duhur për ta deklaruar. Unë jam e rritur dhe ndiej sikur kjo ishte diçka që duhej të bëja për të ecur para.
Jam shumë krenare për këtë që jam dhe për udhëtimin që kam bërë për të arritur këtu, të gjithë duhet t’i kalojnë këto gjëra për të mësuar rreth vetes”, rrëfeu këngëtarja.