Izraeli mbështet propozimin për një armëpushim në Rripin e Gazës dhe qëllimi është të kapërcejë hendekun me Hamasin dhe të arrihet shpejt një marrëveshje, tha sot këshilltari për sigurinë kombëtare të Shtëpisë së Bardhë, Jake Sullivan.

Sullivan u tha gazetarëve në margjinat e samitit të liderëve të Grupit të Shtatë (G7) në Pulia, Itali, se bota duhet të inkurajojë grupin militant palestinez që të pranojë propozimin e Izraelit për armëpushim dhe të shmangë bllokimin e negociatave.

Hamasi tha të mërkurën se ka treguar “gatishmëri të plotë” në përpjekjet për të arritur një marrëveshje armëpushimi me Izraelin në konfliktin në Rripin e Gazës.