TIRANË
Komisioni i Medias dhe Edukimit është shoqëruar me tone të ngritura, ku drejtuesit dhe anëtarët kanë replikuar ashpër me ministrin e Brendshëm, Sandër Lleshaj.
I pari i ministrisë së Brendshme u shpreh se nga hetimet e kryera nga kontrollet e brendshme nuk është faktuar asnjë rast dhune ndaj studentëve.
Anëtari i Komisionit të mediave dhe deputeti i PD-së, Luçiano Boçi e quajti jo etike dhe aspak të përgjegjshme sjelljen dhe ofendimet drejtuar kolegëve të Lëvizjes Socialiste për Integrim.
Debatet në komision:
Lleshaj: Administratori kërkoi ndihmën e Policisë së Shtetit për lirimin e hapësirave. Në qendrën operacionale të Policisë kanë kërkuar gjithashtu mbështetje. Siç keni ju shqetësimet tuaja, pastaj edhe ne kemi shqetësimet e familjarëve.
Noka: Kemi bërë një pyetje, na tregoni një dokument të titullarit që ka kërkuar ndërhyrjen e policisë. A përbën vepër penale ndërhyrja e Policisë? Ju lutem na tregoni dokumentin.
Vokshi: A e kanë shkelur ligjin ata policë që shihni aty
Lleshaj: Kaq thjesht nuk përgjigjem. Unë po iu them këtë: Policia ka shkuar atje referuar një kërkesë ligjore, që policia i është përgjigjur. Policia nuk ka konsumuar shkelje ligjore. Ne nuk kemi konstatuar asnjë shkelje.
Vokshi: Ju e thoni me përgjegjësi?
Lleshaj: Patjetër, me përgjegjësi. S’jam i papërgjegjshëm!
Boci: Shkresa e administratorit është antiligjore. Kjo është shkelje e ligjit. Titullari është rektori dhe jo administratori. Kërcënimi që i bëtë Kërpaçit dhe fyerjea që i bëtë Mehetajt nuk iu falet. Ne këtu të drejtohemi si ministër dhe jo si Sandër Lleshaj. Këtë mund ta bësh me çunat e lagjes.
