Presidenti Trump deklaroi të enjten se raporti i CIA-s reth çështjes së gazetarit Khashoggi nuk ka një përfundim të qartë. Nga ana tjetër kanë reaguar edhe demokratët me anë të Adam Schiff, Shef në Komitetin e Inteligjencës së Dhomës së Përfaqësuesve të Kongresit të SHBA-së.


Schiff mendon se presidenti Donald Trump nuk është i sinqertë kur thotë se nuk ka prova të mjaftueshme në raportin e Agjencisë Qendrore të Inteligjencës (CIA) për fajësimin e princit saudit Muhammed bin Salman për vrasjen e gazetarit Jamal Khashoggi.


Schiff, i cili së shpejti do të marrë përsipër postin e kryetarit në Komisionin e Inteligjencës, tha se do të inspektojë lidhjet financiare të Trump me Arabinë Saudite dhe nëse “interesi personal” i tij e formëson politikën amerikane ndaj atij vendi. Sipas fjalëve të Schiff, Trump “u dërgon despotëve një mesazh se ai do t’ua ruajë shpinën” nëse ata bëjnë biznes me të.


Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb