Polonia nuk mund t’i japë Ukrainës asnjë sistem raketor Patriot të prodhuar nga SHBA, sepse ajo nuk ka sistemin e plotë për mbrojtjen e saj, përsëriti të martën presidenti polak Andrzej Duda.
Kievi u ka kërkuar mbështetësve të tij perëndimorë që të ofrojnë më shumë sisteme të mbrojtjes ajrore me rreze të gjatë për të zmbrapsur sulmet ruse.
Polonia sapo ka filluar të marrë elementët e parë të baterive tokë-ajër Patriot që i ka porositur nga SHBA shtatë vjet më parë, tha Duda për Bloomberg në Forumin Ekonomik të Katarit në Doha. Varshava është aktualisht në procesin e ndërtimit të mburojës së saj mbrojtëse, një pjesë e së cilës do të formohet nga Patriot, shtoi ai.
“Është e vështirë të thuhet tani nëse mund të ofrojmë sisteme Patriot në Ukrainë, sepse, në fakt, ne ende nuk e kemi sistemin në Poloni, nuk e kemi të plotë për të siguruar mbrojtjen tonë”, tha Duda. .
Ukraina mori më parë disa lëshues Patriot, secila prej të cilave kushton më shumë se 1 miliard dollarë, nga SHBA, Gjermania dhe Holanda. Financial Times raportoi në prill se Kievi po lobonte në Poloni, Spanjë dhe Rumani për dhurimin e baterive.