Ka nisur takimi i kryeministrit Edi Rama në Londër me shqiptarë të cilët jetojnë në Britani.

Turi në diasporë, i cili vjen në kuadër të zgjedhjeve 2025, është zhvilluar më parë me takime në Greqi (Selanik dhe Athinë), SHBA dhe Itali.

Në fjalën e tij Rama foli edhe në lidhje me protestën e mbajtur para nisjes së takimit.

“Të dashur shqiptarë të Mbretërisë së Bashkuar, faleminderit dhe mbase nuk më takon mua por duke qenë që u bëra sot shkak të vini këtu në një ditë pushimi, dua t’ju kërkoj ndjesë për një grusht të verbërish tek dera, të cilët të nxitur nga të verbrit në Tiranë kishin marrë me vete librin e shtëpisë tonë dhe e bërtisnin aty përballë”, tha ai.