Ish-mesfushori i Skënderbeut, Agon Elezi do të vijojë karrierën në elitën e futbollit kroat, teksa së fundmi është huazuar te skuadra e Goricës, ku aktivizohet edhe mesfushori Adrion Pajaziti.

Elezi është në pronësi të klubit të Bundesligës, Bohum, por pa mundur të marrë minuta me skuadrën e parë, në kampionat, ndaj edhe drejtuesit kanë vendosur ta transferojnë te Gorica, për të marrë më shumë hapësira.  

23-vjeçari ka qenë pjesë e Skënderbeut në sezonin 2019/2020, teksa më pas kaloi te Varazdini ku edhe spikati, dukë tërhëqur vëmendjen e drejtuesve të Bohumit.  

Mesfushori me origjinë shqiptarë është edhe pjesë e përfaqësueses së Maqedonisë së Veriut, ku është aktivizuar në total 10 ndeshje. 

Elezi së fundmi u aktivizua me skuadrën e dytë të Bohumit, ku në 7 ndeshje shënoi 5 gola si dhe regjistroi 2 asist, dukë gëzuar një formë të kënaqshme.