Izraelitët, të cilët uzurpuan tokat palestineze, dogjën të paktën 6 automjete në qytetin Al-Bireh të Bregut Perëndimor të pushtuar, transmeton Anadolu.

Sulmet e izraelitëve, të cilët uzurpuan tokat palestineze në Bregun Perëndimor të pushtuar, vazhdojnë të shtohen.

Sipas informacioneve të marra nga dëshmitarët okularë, izraelitët bastisën zonën industriale të qytetit Al-Bireh, afër qytetit Ramallah, në orët e hershme të mëngjesit dhe i vunë flakën të paktën 6 automjeteve që u përkisnin palestinezëve.

Dëshmitarët thanë se ekipet e ambulancës dhe të mbrojtjes civile erdhën në zonë pas raportimit të zjarrit dhe kolonët hapën zjarr në drejtim të ekipeve, por nuk pati humbje jetë.

Ka patur rritje të sulmeve kundër palestinezëve në Bregun Perëndimor të pushtuar dhe Kudsin Lindor që nga 7 tetori 2023, kur Izraeli filloi sulmet e tij në Rripin e Gazës.

Këshilli për Luftën kundër Murit Ndarës dhe Vendbanimeve Hebraike i lidhur me Organizatën për Çlirimin e Palestinës (PLO) njoftoi se izraelitët, të cilët uzurpuan tokat palestineze me ushtrinë izraelite në Bregun Perëndimor të pushtuar, kryen 1.490 sulme kundër palestinezëve në tetor.

Mbi 450 mijë izraelitë në Bregun Perëndimor të pushtuar dhe afër 230 mijë izraelitë në Kudsin Lindor po uzurpojnë tokat palestineze. Sipas ligjit ndërkombëtar, këto uzurpime në Bregun Perëndimor dhe Kudsin Lindor konsiderohen të paligjshme.

Izraelitët që banojnë në këto vende e bëjnë jetën edhe më të vështirë për palestinezët që jetojnë nën pushtim në Bregun Perëndimor.