“Të korrigjojmë gabimin e tetorit dhe në pranverë të 2020 të hapen negociatat për Shqipërinë dhe Maqedoninë e Veriut”.

Kështu ka deklaruar Komisioneri për Zgjerimin në BE Oliver Varhelyi. Gjatë fjalës së tij Varhelyi tha se sot ka pasur një mëngjes pune me ministrin e Jashtëm të Shqipërisë Gent Cakaj dhe atë të Maqedonisë së Veriut.

“Ky është takimi parë i këshillit të ministrave të jashtëm ku marr pjesë në postin e komisionerit për zgjerim. Jam shumë i lumtur për detyrën që më është dhënë. Diskutuam gjatë mëngjesit me ministrin e jashtëm në detyrë të Shqipërisë dhe ministrin e jashtëm të Maqedonisë së Veriut. Ishte një diskutim mjaft ikurajues. Duhet të ecim përpara dhe të korrigjojmë gabimin që u bë në tetor dhe të arrijmë të nisim negociatat e pranimit me të dyja vendet pranverën e ardhshme.”, pohoi komisioneri Varhelyi.

(ed.me/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb